-
ప్రముఖ హిందీ టీవీ షో 'కౌన్ బనేగా కరోడ్‌పతి'కి ఉన్న క్రేజ్ గురించి ప్రత్యేకంగా చెప్పక్కర్లేదు. సామాన్యులను లక్షాధికారులు, కోటీశ్వరులను చేసే ఈ టీవీ షోకు బాలీవుడ్ బిగ్ బీ అమితాబ్ బచ్చన్ హోస్ట్ గా వ్యవహరిస్తున్నారు.
-
కేవలం అమితాబ్ బచ్చన్ కోసమే ఈ షో చూసేవారి సంఖ్య భారీగా ఉంది. వీక్షకులకు సాధారణ జ్ఞానంతో పాటు కొంత వినోదం కూడా కేబీసీ షో ద్వారా లభిస్తుంది.
-
ప్రస్తుతం 'కౌన్ బనేగా కరోడ్‌పతి' 16వ సీజన్‌ మొదలవుతోంది. అమితాబ్ బచ్చన్ ఈ షోకి హోస్ట్‌గా తిరిగి వస్తున్నారు. విశేషమేమిటంటే.. ఇప్పటికే షూటింగ్ కూడా స్టార్ట్ అయింది.
-
'ఉదయం 9 నుంచి సాయంత్రం 5 గంటల వరకు విరామం లేకుండా పని చేయాల్సి వచ్చింది. కారులో భోజనం చేశాను. అయితే CSK వర్సెస్ LSG మ్యాచ్ ప్రారంభానికి ముందే ఇంటికి చేరుకున్నాను' అని అమితాబ్ తెలిపారు.
-
సెట్స్‌లో మొదటి రోజు ఎలా ఉందో అమితాబ్ బచ్చన్ వివరించారు. 'పని ఒత్తిడి కారణంగా లంచ్ బ్రేక్ సరిగా తీసుకోలేకపోతున్నాను. ఈ కారణంగానే కారులో కూర్చుని భోజనం చేశాను' అని బిగ్ బీ చెప్పుకొచ్చారు.
