విశ్వసనీయ వర్గాల సమాచారం ప్రకారం, ఈ సినిమాలో కథను మలుపు తిప్పే ఒక స్పెషల్ రోల్ కోసం సమంతను చిత్ర యూనిట్‌ సంప్రదించినట్టు టాక్ నడుస్తోంది. ఆ పాత్రకు సమంత అయితే సరిగ్గా సరిపోతుందని భావించిన మేకర్స్ ఆమెతో చర్చలు జరిపినట్లు చెబుతున్నారు. ఈ ప్రత్యేక పాత్ర కోసం సమంతకు దాదాపు రూ. 3 కోట్ల వరకు ఆఫర్ చేశారని, దీనికి సమంత కూడా సుముఖంగా ఉన్నారని, ఆమె దాదాపుగా అంగీకరించినట్లేనని ఇండస్ట్రీలో టాక్ నడుస్తోంది. ‘పుష్ప’ సినిమాలో ఐటమ్ సాంగ్‌తో దేశవ్యాప్తంగా ప్రేక్షకులను ఉర్రూతలూగించిన సమంత, ఆ తర్వాత నటిగా, నిర్మాతగా తన కెరీర్‌లో ముందుకు సాగుతున్నారు. ఆమెకున్న పాన్-ఇండియా క్రేజ్ దృష్ట్యా, అల్లు అర్జున్-అట్లీ సినిమాలో ఆమె నటిస్తే.. సినిమాకు అదనపు ఆకర్షణ అవుతుందని నిర్మాతలు భావిస్తున్నారు. అయితే, దీనిపై ఇంకా నిర్మాతల నుంచి అధికారిక ప్రకటన రావాల్సి ఉంది. ఒకవేళ ఈ ప్రచారమే నిజమైతే, ఇదో సూపర్ హిట్ మూవీ అవుతుందని సినీ పండితులు అంచనా వేస్తున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
గాజాలో యుద్ధం మాటున మహిళలపై ఆకృత్యాలు ఎన్నో
రాజమండ్రిలో గోదావరి వద్ద మొదటి ప్రమాద హెచ్చరిక
విశాఖలో ఈదురుగాలుల బీభత్సం.. కూలిన చెట్లు, నేలకొరిగిన హోర్డింగ్‌లు
