టాలీవుడ్ యువ హీరో కిరణ్ అబ్బవరం తండ్రయ్యాడు. కిరణ్ అబ్బవరం సతీమణి రహస్య గురువారం పండంటి మడబిడ్డకు జన్మనిచ్చింది. ఈ ఆనందకరమైన శుభవార్తను హీరో కిరణ్ అబ్బవరం స్వయంగా తన సోషల్ మీడియా హ్యాండిల్‌లో పోస్ట్ చేసి అభిమానులతో పంచుకున్నారు. తనకు కొడ్డుకు పుట్టిన సందర్భంగా సంతోషాన్ని వ్యక్తం చేస్తూ ఆయన ఓ భావోద్వేగభరితమైన పిక్‌ను సోషల్ మీడియాలో షేర్ చేశాడు. ఆ పోస్ట్‌లో శిశువు సున్నితమైన పాదాన్ని ఆయన ఎంతో ప్రేమగా ముద్దు పెడుతూ కనిపించాడు. ఇక సోషల్ మీడియాలో ఈ పోస్ట్ చూసిన పలువురు సినీ ప్రముఖులు, అభిమానులు, నెటిజన్లు కిరణ్-రహస్య దంపతులకు శుభాకాంక్షలు తెలుపుతున్నారు.
ఫ్యాన్స్ రియాక్షన్..
ఇక తనకు కొడుకు పుట్టిన విషయాన్ని ఇన్‌స్టా, ఎక్స్‌ వేదికగా పంచుకోగా.. ఈ పోస్టును చూసిన అతని అభిమానులు క్షణాల్లో దాన్ని వైరల్ చేశారు. లైక్స్‌, కామెంట్స్‌తో తమదైన రీతితో ఆయనకు శుభాకాంక్షలు తెలిపారు. ఓ అభిమాని కామెంట్‌లో ఇలా రాసుకొచ్చాడు. మీ ఇంటికి జూనియర్ అబ్బవరం వచ్చారంటూ కామెంట్ చేశాడు.
Blessed with a Baby Boy
Happy Hanuman Jayanthi
#Jaisreeram pic.twitter.com/UG5Ztky8gd
— Kiran Abbavaram (@Kiran_Abbavaram) May 22, 2025
ఆంధ్రప్రదేశ్‌లోని కడప జిల్లా, రాయచోటిలో 1992 జులై 15న జన్మించిన కిరణ్, 2019లో “రాజావారు రాణిగారు” చిత్రం ద్వారా హీరోగా సినీ పరిశ్రమలోకి అడుగుపెట్టాడు. ఆ సినిమాలో తన సరసన నటించిన నటి రహస్యతో ఇతను ప్రేమలో పడ్డారు. ఐదేళ్ల ప్రేమించుకున్న తర్వాత 2024 ఆగస్టు 22న వీరిద్ధరూ పెళ్లి బంధంతో ఒక్కటయ్యారు. తాజగా ఈ దంపతులు పండంటి ఒక మగ బిడ్డకు జన్మనిచ్చారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి..
