-
కమాన్‌ బోయ్స్.. గెట్‌ రెడీ... కరెక్ట్ గా 100 రోజులే... అంటూ ఫ్యాన్స్ లో జోష్‌ నింపేస్తున్నారు విజయ్‌ దేవరకొండ. కింగ్‌డమ్‌ కౌంట్‌డౌన్‌ స్టార్ట్ చేసేశాం అన్నా.. ఈ సమ్మర్‌లో సక్సెస్‌ గ్యారంటీ అంటూ కోరస్‌ ఇచ్చేస్తున్నారు రౌడీ ఫ్యాన్స్.
-
రౌడీ హీరోకి ఫ్యామిలీ సబ్జెక్టు పర్ఫెక్ట్ గా పడితే హిట్‌ గ్యారంటీ అనే టాక్‌కి బ్రేక్‌ వేసింది ఫ్యామిలీస్టార్‌. ఆశించిన స్థాయిలో మెప్పించలేకపోయింది ఆ మూవీ. అందుకే మళ్లీ ఖుషీ డేస్‌ ఎప్పుడెప్పుడా అని వెయిట్‌ చేస్తోంది రౌడీ సైన్యం.
-
ఈ సమ్మర్‌ మనదే రాస్కోరా సాంబా అంటూ టీజర్‌తోనే హింట్‌ ఇచ్చేశారు విజయ్‌ దేవరకొండ. కింగ్‌డమ్‌ టీజర్‌.. అంతలా ఇన్‌స్టంట్‌గా మెప్పించింది. కథలో డెప్త్ ఉంది.. కాన్ఫిడెంట్‌గా థియేటర్లలోకి ఎంట్రీ ఇచ్చేయొచ్చనే టాక్‌ స్ప్రెడ్‌ అయింది.
-
మే 30న ప్రేక్షకుల ముందుకు వస్తోంది కింగ్‌డమ్‌. సిక్స్ ప్యాక్‌లో విజయ్‌ లుక్‌ ఇప్పటికే వైరల్‌ అవుతోంది. ప్యాన్‌ ఇండియా రేంజ్‌లోనూ కింగ్‌డమ్‌ మీద మంచి బజ్‌ వినిపిస్తోంది. గౌతమ్‌ తిన్ననూరి రౌడీ హీరోని ఎలా పోట్రే చేస్తారోననే ఆసక్తి సర్వత్రా కనిపిస్తోంది.
-
సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు. భాగ్యశ్రీ బోర్సే ఇందులో హీరోయిన్. సత్యదేవ్ కీలక పాత్రలో నటిస్తున్నారు.
