చిరంజీవి తండ్రి చివరగా ఆ హీరో సినిమా చూసే కన్నుమూశారా?

చిరంజీవి తండ్రి కొణిదెల వెంకట్రావు. ఈయనకు సంబంధించిన ఆసక్తికర విషయాలను చరణ్ ఓ ఇంటర్వ్యూలో తెలిపారు. చెర్రీ మాట్లాడుతూ.. తాతయ్యకు సినిమాల్లో నటించాలని చాలా ఉండేదని నాన్నమ్మ చెప్పింది.

కానీ ఆయనకు అది సాధ్యం కాకపోవడంతో, చిన్న చిన్న నాటకాలు ప్రదర్శిస్తుండేవారంట. కానీ డాడీని మాత్రం చాలా ప్రోత్సహించాడంట. ఇక తాతయ్య చివరగా నా సినిమానే చూశారు. తాను ఆరోగ్యంగా ఉన్న సమయంలోనే నేను చేసిన మొదటి మూవీ చిరుత విడుదలైంది.

ఈ సినిమాను తాతయ్య థియేటర్లో చూసి చాలా సంతోషపడ్డారు. నాకు ఇది చాలా ఆనందాన్ని ఇస్తుంది. ఇక ఆ తర్వాత తాతయ్య వీల్ చైర్‌కే పరిమితం కావడంతో ఆయన సినిమాలు చూడలేదు.తర్వాత కన్నుమూశారు.

ఇక నాన్నమ్మ నా అన్ని సినిమాలు చూస్తుంది. ముఖ్యంగా నేను, డాడీ కలిసి నటించిన ఆచార్య సినిమాను నాన్నమ్మ చూసి చాలా సంతోషించింది.

ఇద్దరినీ ఒకే స్క్రీన్‌పై చూడటం నాన్నమ్మకు చాలా ఇష్టం అంటూ చెప్పుకొచ్చారు. అయితే చరణ్ గతంలో చేసిన ఈ వ్యాఖ్యలు ప్రస్తుతం సోషల్ మీడియాలో తెగ వైరల్ అవుతున్నాయి.