-
ఇంకెన్నాళ్లు ఈ కన్ఫ్యూజన్..? త్రివిక్రమ్ తర్వాతి సినిమా ఏంటి..? అజ్ఞాతవాసి తర్వాత ఆఘమేఘాల మీద అరవింద సమేత చేసిన గురూజీ.. గుంటూరు కారం తర్వాత ఎందుకు గ్యాప్ తీసుకుంటున్నారు..? అనుకున్నట్లుగానే అల్లు అర్జున్‌తోనే సినిమా ఉండబోతుందా లేదంటే మధ్యలో ఇంకే హీరో అయినా వస్తున్నాడా..? అసలు త్రివిక్రమ్ ప్లాన్ ఏంటి..? ఏం చేయబోతున్నారు..?
-
ఓ సినిమా సెట్స్‌పై ఉండగానే.. నెక్ట్స్ ప్రాజెక్ట్ అప్డేట్ ఇవ్వడం త్రివిక్రమ్ స్టైల్. గుంటూరు కారం టైమ్‌లోనూ ఇదే చేసారు గురూజీ. ఇది సెట్స్‌పై ఉండగానే.. అల్లు అర్జున్‌తో AA4 వీడియో విడుదల చేసారు.. కానీ ఈ సినిమాపై అనుమానాలు ఎక్కువగా వస్తున్నాయిప్పుడు. ప్రస్తుతానికి ఈ ప్రాజెక్ట్ మీద ఎలాంటి అప్‌డేట్స్ రావట్లేదు.
-
అల్లు అర్జున్ ప్రస్తుతం పుష్ప 2తో బిజీగా ఉన్నారు. దీని తర్వాత పుష్ప 3 కూడా ఉంటుందని ప్రచారం జరుగుతుంది. అలాగే అట్లీతో ఓ సినిమా ఖరారైందని బన్నీ టీం నుంచే వార్తలొస్తున్నాయి. ఇవన్నీ జరగడానికి చాలా టైం పడుతుంది. అప్పటి వరకు బన్నీ కోసమే త్రివిక్రమ్ వేచి ఉంటారా లేదంటే మరో హీరో వైపు వెళ్తారా అనేది ఆసక్తికరంగా మారింది.
-
త్రివిక్రమ్, బన్నీ సినిమా ఉంటుంది కానీ ఇప్పట్లో కాదనే సంకేతాలే ఎక్కువగా వస్తున్నాయి. దాంతో వేరే ఆప్షన్స్ చూసుకుంటున్నారు గురూజీ. ఈ క్రమంలోనే తమిళ హీరో విజయ్‌కు ఓ కథ చెప్పినట్లు ప్రచారం జరుగుతుంది. మరోవైపు తెలుగులో నాని, వెంకటేష్‌తో మల్టీస్టారర్ కోసం కూడా త్రివిక్రమ్ కథ సిద్ధం చేస్తున్నట్లు వార్తలు వినిపిస్తున్నాయి.
-
రైటర్‌గా ఉన్నపుడు నువ్వు నాకు నచ్చావ్, వాసు, మల్లీశ్వరి సినిమాలకు వెంకీతో పని చేసిన త్రివిక్రమ్.. దర్శకుడిగా మారాక సినిమా చేయలేదు. అలాగే నాని, త్రివిక్రమ్ ప్రాజెక్ట్ చాలా రోజులుగా పెండింగ్‌లోనే ఉంది. ఇక పవన్, త్రివిక్రమ్ కాంబినేషన్‌నూ కొట్టి పారేయలేం. అయితే వీటిలో అల్లు అర్జున్ సినిమా ఒక్కటే అఫీషియల్.. మిగిలివన్నీ గాసిప్సే అంటుంది త్రివిక్రమ్ టీం. మరి చూడాలిక.. గురూజీ నెక్ట్స్ ఏం చేయబోతున్నారో..?
