-
ఆదిపురుష్ రిజల్ట్ చూసాక.. దానిపై వచ్చిన ట్రోలింగ్ కళ్లారా వీక్షించాక.. రామాయణం తీయాలంటే ఒకటికి పదిసార్లు ఆలోచించుకోవాల్సిన పరిస్థితి వచ్చింది. మరిలాంటి పరిస్థితుల్లో నితీష్ తివారి ప్లాన్ చేస్తున్న రామాయణం ఏమైంది..? ఆ సినిమా గురించి ఎవరూ మాట్లాడట్లేదేంటి..? ఇంతకీ ఆ భారీ బడ్జెట్ రామాయణం ఉన్నట్లా లేనట్లా..?
-
100 సార్లు చూసినా.. 101వ సారి చూడగలిగే అద్భుత దృశ్య కావ్యం రామాయణం. దాన్ని తీసే విధానంలోనే తీస్తే ఎన్నిసార్లైనా చూడ్డానికి సిద్ధంగానే ఉంటారు ప్రేక్షకులు. అందుకే బాలీవుడ్‌లోనూ రామాయణం గురించి చర్చ చాలా రోజులుగా జరుగుతుంది.
-
మూడేళ్ళుగా దంగల్ డైరెక్టర్ నితీష్ తివారి ఈ స్క్రిప్ట్‌పైనే వర్క్ చేస్తున్నారు. తాజాగా ఈ ప్రాజెక్ట్‌పై మరిన్ని వివరాలు బయటికొచ్చాయి. రామాయణ సినిమాను దాదాపు 1000 కోట్లతో 3 భాగాలుగా ప్లాన్ చేస్తున్నారు నితీష్.
-
ఇందులో రాముడిగా రణ్‌బీర్ కపూర్, సీతగా సాయి పల్లవి, రావణుడిగా యశ్ నటిస్తున్నారు. ఈ సినిమా ఓపెనింగ్ ముంబైలో జరిగింది. మొదటి షెడ్యూల్ మొదలైంది.. త్వరలోనే రణ్‌బీర్, సాయి పల్లవి సెట్స్‌లో జాయిన్ కానున్నారు. 2025 డిసెంబర్‌లో రామాయణ 1 రిలీజ్‌కు ప్లాన్ చేస్తున్నారు.
-
సన్నీ డియోల్‌ను ఇప్పటికే హనుమంతుడి పాత్ర కోసం ఫైనల్ చేసారు. ఇక కుంభకర్ణుడిగా బాబీ డియోల్, విభీషణుడిగా విజయ్ సేతుపతి నటించే అవకాశాలున్నాయి. మరిన్ని కీలక పాత్రల కోసం పాన్ ఇండియన్ నటులనే తీసుకుంటున్నారు. ఆదిపురుష్ ఫలితాన్ని దృష్టిలో పెట్టుకుని.. రామాయణపై ఫోకస్ మరింత పెంచారు నితీష్ తివారి అండ్ టీం.
