కిరిక్ పార్టీ సినిమాతో కన్నడ సినీ పరిశ్రమలోకి నటిగా అరంగేట్రం చేసింది రష్మిక మందన్నా. ఆ తర్వాత తెలుగులో వరుస హిట్స్ అందుకుంటూ తక్కువ సమయంలోనే స్టార్ డమ్ సంపాదించుకుంది. తెలుగులో గీతా గోవిందం సినిమాతో రష్మిక క్రేజ్ మారిపోయింది. ఇక ఆ తర్వాత డైరెక్టర్ సుకుమార్ దర్శకత్వంలో అల్లు అర్జున్, రష్మిక మందన్నా జంటగా నటించిన పుష్ప సినిమాతో పాన్ ఇండియా స్టార్ హీరోయిన్గా గుర్తింపు తెచ్చుకుంది. ఈసినిమా ఎఫెక్ట్ బాలీవుడ్ ఇండస్ట్రీలో వరుస ఆఫర్స్ క్యూకట్టాయి. ఇప్పటికే గుడ్ బై, మిషన్ మజ్ను సినిమాలతో నార్త్ అడియన్స్ను ఆకట్టుకున్న ఈ నేషనల్ క్రష్.. ఇప్పుడు యానిమల్ సినిమాతో మెప్పించేందుకు రెడీ అవుతుంది. రణబీర్ కపూర్ నటిస్తోన్న ఈ సినిమాపై ఇప్పటికే హైప్ పెరిగిపోయింది. ఇదిలా ఉంటే.. తాజాగా సోషల్ మీడియాలో రష్మికకు సంబంధించిన ఓ వీడియో తెగ వైరలవుతుంది. ఆ వీడియోలో ఉన్నది రష్మిక కాదని స్పష్టంగా అర్థమవుతుంది.. ఈ వీడియోపై అమితాబ్ సీరియస్ అయ్యారు.
ప్రస్తుతం నెట్టింట వైరలవుతున్న వీడియోలో.. రష్మిక బోల్డ్గా కనిపిస్తుంది. అలాగే ఆమె ఫారిన్ స్లాంగ్ మాట్లాడడం చూస్తే అది పక్కా ఫేక్ వీడియో అని..ఏఐతో మార్పింగ్ చేశారని అర్థమవుతుంది. ప్రస్తుతం ఈ వీడియో నెట్టింట వైరలవుతుండగా.. సినీ ప్రముఖులు, నెటిజన్స్ ఆగ్రహం వ్యక్తం చేశారు. తాజాగా ఈ వీడియోపై బాలీవుడ్ బిగ్ బీ అమితాబ్ ఆగ్రహం వ్యక్తం చేశాడు. ముందుగా ఈ వీడియోను జర్నలిస్ట్ అభిషేక్ షేర్ చేస్తూ.. ఆ వీడియోలో ఉన్న యువతి జారా పటేల్ అని తెల్చేశారు. కానీ ఎవరో రష్మిక ఫోటోను మార్ఫింగ్ చేసి నెట్టింట షేర్ చేశారు. అయితే ఆ వీడియోలో ఉన్నది రష్మిక అని చాలా మంది భ్రమపడ్డారు. ఇక ఈ వీడియోపై అమితాబ్ స్పందిస్తూ.. ఇలాంటి ఫేక్ వీడియోస్ మార్ఫింగ్ చేసేవారిని కఠినంగా శిక్షించాలంటూ ట్వీట్ చేశారు.
yes this is a strong case for legal https://t.co/wHJl7PSYPN
— Amitabh Bachchan (@SrBachchan) November 5, 2023
ప్రస్తుతం రష్మిక యానిమల్, పుష్ప 2 చిత్రాల్లో నటిస్తుంది. ఇందులో పుష్ప 2 చిత్రీకరణ జరుపుకుంటుండగా.. యానిమల్ త్వరలోనే రిలీజ్ కానుంది. డైరెక్టర్ సందీప్ రెడ్డి వంగా తెరకెక్కిస్తోన్న ఈ మూవీలో రణబీర్ కపూర్, రష్మిక మందన్నా జంటగా నటిస్తున్నారు. ఇప్పటికే విడుదలైన టీజర్, సాంగ్స్ ఆకట్టుకున్నాయి.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
