అక్కినేని యంగ్ హీరో నాగ చైతన్య పుట్టిన రోజు నేడు. అక్కినేని నాగార్జున వారసుడిగా ఇండస్ట్రీలోకి అడుగు పెట్టిన నాగ చైతన్య నటుడిగా అంచలంచలుగా ఎదుగుతున్నారు. జోష్ సినిమాతో హీరోగా పరిచయం అయ్యాడు నాగ చైతన్య. తొలి సినిమాతోనే తన నటనతో విమర్శకుల ప్రశంసలు అందుకున్నాడు. చాల మ్యాచుర్డ్ యాక్టర్ గా చేసి ఆకట్టుకున్నాడు నాగ చైతన్య. ఆతర్వాత వరుసగా సినిమాలు చేస్తూ వస్తున్నాడు. ఆతర్వాత 2010 లో గౌతమ్ మీనన్ దర్శకత్వంలో వచ్చిన ఏమాయ చేశావే సినిమాతో మంచి విజయాన్ని అందుకున్నాడు. చైతన్య, సమంత జంటగా నటించిన ఈ సినిమా సూపర్ హిట్ గా నిలిచింది. దాంతో చైతన్య క్రేజ్ పెరిగింది. ఏమాయ చేశావే సినిమా తర్వాత నాగ చైతన్యకు అమ్మాయిల్లో ఫాలోయింగ్ ఎక్కువైంది. ఆ తర్వాత సుకుమార్ డైరెక్షన్ లో వచ్చిన 100 పర్సెంట్ లవ్ సినిమా కూడా మంచి విజయాన్ని అందుకుంది.
ఇలా బ్యాక్ టు బ్యాక్ హిట్స్ కొట్టిన నాగ చైతన్య టాలీవుడ్ లో దూసుకుపోయాడు. నాగ చైతన్య ఇప్పటివరకు 27 సినిమాల్లో నటించి మెప్పించాడు. ఇక నాగ చైతన్య వ్యక్తిగత విషయాలకొస్తే స్టార్ హీరోయిన్ సమంతను నాగ చైతన్య ప్రేమించి పెళ్లి చేసుకున్నాడు. ఏ మాయచేశావే సినిమా సమయంలో ప్రేమలో పడ్డ వీరు చాలా కాలం ప్రేమించుకున్నారు. 29 జనవరి 2017న సమంతతో నిశ్చితార్థం చేసుకున్నాడు చైతు. ఆ తర్వాత అక్టోబర్ 7 న పెళ్లి పీటలెక్కారు. చాలా కాలం కలిసున్నా ఈ ఇద్దరూ.. మనస్పర్థల కారణంగా 2 అక్టోబర్ 2021న విడిపోతున్నట్లు ప్రకటించారు.
ప్రస్తుత నాగ చైతన్య వరుస సినిమాలతో ఫుల్ బిజీగా ఉన్నాడు. బ్యాక్ టు బ్యాక్ సినిమాలు చేస్తూ ప్రేక్షకులను ఆకట్టుకుంటున్నాడు. ప్రస్తుతం చందు మొండేటి దర్శకత్వం తండేల్ అనే సినిమా చేస్తున్నాడు. ఈ సినిమానుంచి నాగ చైతన్య లుక్ ను , టైటిల్ ను నిన్న రిలీజ్ చేశారు. నేడు నాగ చైతన్య పుట్టిన రోజు కావడంతో ఆయనకు సోషల్ మీడియా వేదికగా అభిమానులు, సినీ తారలు విషెస్ తెలుపుతున్నారు.
మరిన్ని సినిమా వార్తల కోసం ఇక్కడ క్లిక్ చేయండి
