బిగ్ బాస్ హౌస్ లో అనవసర రాద్ధాంతం చేసి కంటెంట్ ఇచ్చే క్యాండిడేట్స్ కొంతమంది ఉన్నారు. వారిలో శోభా శెట్టి ఒకరు అనే చెప్పాలి. ఈ అమ్మడు అరవకుండా.. గొడవపడకుండా ఒక్కరోజూ కూడా ఉండేలా లేదు. ఎందుకు కోపడుతుందో.. ఎందుకు ఏడుస్తుందో.. ఎందుకు అరుస్తుందో అర్ధంకాక ప్రేక్షకులు తలపట్టుకుంటున్నారు. నిన్నటి ఎపిసోడ్ లో కూడా అమర్ తో అనవసర విషయానికి గొడవ పెట్టుకుంది. గేమ్ ను గేమ్ లా ఆడలేక రచ్చ చేసింది శోభా శెట్టి. నిన్నటి ఎపిసోడ్ లో హౌస్ లో ఉన్న వారికి ఒకొక్కరికి ఒకొక్క క్యరెక్టర్ ఇచ్చాడు బిగ్ బాస్. హౌస్ లో హత్య జరిగిందని .. దాన్ని పోలీసులు అయిన అర్జున్, అమర్ దీప్ కనిపెట్టాలి అని చెప్పాడు. దాంతో ఎవరి పాత్రల్లో వారు ఆకట్టుకునే ప్రయత్నం చేశారు.ఈ క్రమంలో అశ్విని, శోభా శెట్టికి రిపోర్ట్స్ పాత్ర ఇచ్చాడు.
అమర్ , అర్జున్ కు కొన్ని బాధ్యతలు అప్పజెప్పాడు బిగ్ బాస్. హౌస్ లోన్ జరిగిన మిసెస్ బిగ్ బాస్ హత్య గురించి అనుమానం ఉన్న అందర్నీ ఇంట్రాగేట్ చేసి, ఆధారాలు సేకరించాలని చెప్పాడు. యావర్, ప్రియాంకలు బ్రదర్ అండ్ సిస్టర్లు, రతికా డ్రైవర్, గౌతమ్ రతికాను ప్రేమిస్తూ తిరిగే తోటమాలి, శివాజీ మిసెస్ బిగ్ బాస్ మేనేజర్, ప్రశాంత్ వంటోడు.. పాత్రలను ఇచ్చాడు బిగ్ బాస్.
ఆతర్వాత శివాజీని పిలిచి సీక్రెట్ టాస్క్ ఇచ్చాడు బిగ్ బాస్. అర్జున్, అమర్ వెతుకుతున్న నేరస్థుడు మీరే. మీరు ఇంకొన్ని మర్డర్ లు చేయాల్సి ఉంటుంది అని చెప్పాడు. అలాగే ఒక ఫోన్ ఇచ్చి దాన్ని ఎవరికీ కనిపించకుండా జాగ్రత్తగా ఉంచండి అని చెప్పాడు. అమర్, అర్జున్ నేరస్థుడ్ని కనిపెట్టే పనిలో ఉంటే వారిని విసిగించి బ్రేకింగ్ న్యూస్ రాబట్టే పనిలో అశ్విని , శోభా ఉన్నారు. ఈ క్రమంలో క్రైమ్ సీన్‌ లోకి రాకూడదు వెనక్కి వెళ్ళండి అని అమర్ అన్నాడు. అంతే శోభా రచ్చ మొదలుపెట్టింది. నువ్వు మాట్లాడేది నాకు నచ్చడం లేదు అంటూ గొడవకు దిగింది. అమర్ నేనేం చేశా అని అడుగుతున్నా శోభా మాత్రం రెచ్చిపోయి రంకెలేసింది. అంత ఇదిగా బిహేవ్ చేయాల్సిన అవసరం లేదు.. అని అమర్ పై నోరు పారేసుకుంది. దాంతో అమర్ కు మండింది. చేతిలో ఉన్న లాఠీని విసిరి కొట్టి సీరియస్ అయ్యాడు. ఇంతలో అశ్విని మధ్యలో దూరింది. నన్ను చూసి అంటావేంటి నువ్వు.. గొడవ మీ ఇద్దరికీ జరిగింది.. నా వైపు చూసి తిడతావేంటి..అంటూ మధ్యలోకి వచ్చింది అశ్విని. దాంతో శోభా పై ఉన్న కోపాన్ని అశ్విని పై చూపించాడు అమర్. నువ్వు మాట్లాడితే నీకన్నా గట్టిగా మాట్లాడగలను అంటూ రెచ్చిపోయి అరిచాడు అమర్.
