చందమామ కాజల్ అగార్వల్ తిరిగి సినిమాలతో బిజీ అయిన విషయం తెలిసిందే. తేజ దర్శకత్వంలో వచ్చిన లక్ష్మీకళ్యాణం సినిమాతో హీరోయిన్ గా పరిచయం అయ్యింది. తొలి సినిమాతో తన నటనతో ఆకట్టుకున్న కాజల్. ఆ తర్వాత చందమామ సినిమాతో మంచి హిట్ అందుకుంది. ఆ తర్వాత వచ్చిన మగధీర సినిమాతో బ్లాక్ బస్టర్ హిట్ అందుకుంది ఈ బ్యూటీ. రాజమౌళి దర్శకత్వంలో వచ్చిన ఈ సినిమాలో కాజల్ నటనతో పాటు.. అందంతోనూ ఆకట్టుకుంది ఈ చిన్నది. ఇక వరుస సినిమాలతో టాలీవుడ్ లో టాప్ హీరోయిన్ గా మారిపోయింది. ఆతర్వాత ఈ అమ్మడు తమిళ్ లోనూ సినిమాలు చేసి మంచి సక్సెస్ అందుకుంది. కెరీర్ పీక్ స్టేజ్ లో ఉండగానే ఈ బ్యూటీ పెళ్ళాడి సినిమాలకు చిన్న బ్రేక్ ఇచ్చింది.
ఇక ఇప్పుడు మరోసారి సినిమాలతో బిజీ కానుంది. ఈ క్రమంలో సోషల్ మీడియాలో అభిమానులతో ముచ్చటించింది. నెటిజన్స్ అడిగిన ప్రశ్నలకు సమాదానాలు చెప్పింది కాజల్. తన భర్త, కొడుకు గురించి తెలిపింది. ఇదిలా ఉంటే ఓ నెటిజన్ నన్ను పెళ్లి చేసుకుంటారా అని ప్రశ్నించాడు. దానికి స్పందిస్తూ.. రెండున్నర సంవత్సరాల క్రితమే ఆ అదృష్టం మరొకరికి దక్కింది అని సరదానే సమాధానం చెప్పింది.
అలాగే ప్రస్తుతం ఇండియన్ 2, బాలకృష్ణ సినిమాల్లో నటిస్తున్నా అని తెలిపింది కాజల్. అలాగే రీసెంట్ గా లస్ట్ స్టోరీస్ 2 చూశాను తమన్నా అద్భుతంగా నటించింది. ఆమె అన్ను భయపెట్టింది అని తెలిపింది. అదేవిధంగా అల్లు అర్జున్ గురించి చెప్పమని ఓ అభిమాని అడగ్గా..నాకు తెలిసిన మంచి వ్యక్తులలో అల్లు అర్జున్ ఒకరు. ఆయన ఎనర్జీని ఎంతగానో ఇష్టపడతానని కాజల్ చెప్పుకొచ్చింది.
