ఎప్పుడెప్పుడా అని ఎదురుచూస్తున్న ఫ్యాన్స్‌కు మ్యారేజ్‌పై గుడ్‌ న్యూస్‌ చెప్పారు హీరో ప్రభాస్. తిరుపతిలోనే పెళ్లి చేసుకుంటానంటూ అభిమానుల కేరింతల మధ్య ప్రకటించారు. ఇక్కడే మ్యారేజ్ చేసుకుంటానన్న ప్రభాస్.. ఎప్పుడు అనే విషయంలో క్లారిటీ ఇవ్వలేదు. తారకరామ స్టేడియంలో గ్రాండ్‌గా నిర్వహించిన ఆదిపురుష్ ప్రీ రిలీజ్ ఈవెంట్‌కు ప్రభాస్ ఫ్యాన్స్ పెద్ద తరలివచ్చారు. అభిమాననాయకుడి కోసం అశేష అభిమానలోకం తరలిరావడంతో తిరుపతి గ్రౌండ్‌ కిక్కిరిసిపోయింది. గోవింద నామస్మరణ జరిగే చోట.. జై శ్రీరామ్‌, జై సియారామ్‌ నినాదాలూ హోరెత్తాయి. ఫస్ట్ ట్రైలర్ ఫ్యాన్స్ కోసమే అంటూ త్రీడీలో తెలుగు ట్రైలర్ రిలీజ్ చేశారు. ఈ సందర్భంగా మాట్లాడిన ప్రభాస్ తన పెళ్లిపై ఆసక్తికర వ్యాఖ్యలు చేశారు. తిరుపతిలోనే చేసుకుంటానని పెళ్లి ఎప్పుడని అడిగిన అభిమానులతో అన్నారు. ఇక ఆదిపురుష్ సినిమా చేయడం గొప్ప అదృష్టమని చిరంజీవి చెప్పారన్నారు ప్రభాస్. 20 ఏళ్లలో ఆదిపురుష్ టీం చాలా కష్టపడటం చూశానన్న హీరో.. ఏడాదికి 2 లేదంటే 3 సినిమాలు చేస్తానన్నారు. స్టేజీ పై తక్కువ మాట్లాడి, ఎక్కువ సినిమాలు చేస్తానంటూ ఫ్యాన్స్‌లో ఉత్సాహం నింపారు. అలాగే జానకి పాత్రలో కృతి సనన్ ఎంతో బాగా నటించిందన్నారు ప్రభాస్. ఫస్ట్ ట్రైలర్ ఫ్యాన్స్ కోసమే అంటూ త్రీడీలో తెలుగు ట్రైలర్ రిలీజ్ చేశారు.
ఇక ప్రభాస్‌తో కలిసి పనిచేయడం చాలా సంతోషంగా ఉందన్నారు నిర్మాత విశ్వ ప్రసాద్‌. సహకరించిన ప్రతి ఒక్కరికీ ధన్యవాదాలు తెలిపారు.ఇది అందరి సినిమా అన్నారు దర్శకుడు ఓం రౌత్‌. ప్రతి ఒక్కరూ థియేటర్లో చూసి.. సినిమాను విజయవంతం చేయాలని విజ్ఞప్తి చేశారు.ప్రీ రిలీజ్ ఈవెంట్‌ వేడుకలో ప్రత్యేక కార్యక్రమాలు అభిమానులను, ప్రేక్షకులను ఆకట్టుకున్నాయి. ముఖ్యంగా సినిమాకు ప్రాణంలా అనిపించే… జై శ్రీరామ్‌ పాటను లైవ్‌లో ఆలపించింది అజయ్ అతుల్‌ అండ్ టీమ్‌. వారితో పాటు ఈవెంట్‌కు హాజరైన వారు గొంతు కలిపారు. మొత్తానికి బ్రహ్మాండ నాయకుడి పాదాల చెంత బ్రహ్మాండమైన సినిమా ప్రీ రిలీజ్ వేడుక అట్టహాసంగా సాగింది. ముందు తిరుమల శ్రీవారిని సినిమా టీమ్‌ దర్శించుకుంది. ప్రీరిలీజ్‌ ఈవెంట్‌కు హీరో ప్రభాస్, హీరోయిన్ కృతిసనన్‌తో పాటు సినిమా టీమ్‌ మొత్తం విచ్చేసింది. శ్రీశ్రీ త్రిదండి చిన్నజీయర్‌ స్వామి, టీటీడీ చైర్మన్‌ వైవీ సుబ్బారెడ్డి అతిథులుగా హాజరయ్యారు. ప్రభాస్ ఎంట్రీ సమయంలో.. బాణాసంచ పేలుళ్లతో గ్రౌండ్‌సందడిగా మారింది. రామాయణం ఇతివృత్తంగా నిర్మితమైన ఆదిపురుష్ ఈనెల 16న ప్రేక్షకుల ముందుకు రాబోతుంది. దేశవ్యాప్తంగా 10 వేలకు పైగా స్క్రీన్స్‌లో ప్రదర్శించనున్నారు. ప్రీ రిలీజ్ గ్రాండ్‌ సక్సెస్ కావడంతో జోష్‌లో ఉంది సినిమా యూనిట్ అండ్ ఫ్యాన్స్.
మరిన్ని సినిమా వార్తల కోసం క్లిక్ చేయండి.
