తేజ ..టాలీవుడ్ టాలెంటెడ్ దర్శకుల్లో ఒకరు అయన. చిత్రం సినిమాతో దర్శకుడిగా మారారు తేజ. అందమైన ప్రేమ కథలను చాలా సహజంగా.. మన పక్కింట్లోనో లేక మన ఊరిలోనో జరిగిన కథలుగా తెరకెక్కిస్తారు తేజ. ఆయన దర్శకత్వం వహించిన సినిమాల్లో జయం సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు. దాదాపు 20 సినిమాలకు దర్శకత్వం వహించారు తేజ. ప్రస్తుతం అహింస అనే సినిమాతో ప్రేక్షకుల ముందుకు రానున్నాడు తేజ. ఈ సినిమాతో దగ్గుబాటి రానా తమ్ముడు అభిరామ్ హీరోగా పరిచయం అవుతున్నారు. ఈ సినిమా ప్రమోషన్స్ శరవేగంగా జరుగుతున్నాయి.ఇటీవల ఓ ఇంటర్వ్యూలో తేజ్ మాట్లాడుతూ.. ఆసక్తికర విషయాలను పంచుకున్నారు. సినిమా విషయాలతో పాటు వ్యక్తిగత విషయాలను కూడా పంచుకున్నారు తేజ.
తేజ కెరీర్ బిగినింగ్ లో ఎదుర్కొన్న సమస్యల గురించి. పడిన కష్టాలగురించి తెలిపారు. అలాగే అహింస సినిమా ప్రీరిలీజ్ ఈవెంట్ లోనూ తేజ మాట్లాడుతూ ఆసక్తికర కామెంట్స్ చేశారు. తేజ్ తెరకెక్కించిన సినిమాల్లో జయం సినిమా భారీ విజయాన్ని అందుకుంది.
ఈ సినిమాలో తేజ టీచర్ పాత్రకు శృంగార తారగా పేరు తెచ్చుకున్న షకీలను ఎలా ఎంపిక చేశారో తెలిపారు. హైదరాబాద్ లోని ఓ థియేటర్ వైపుగా ఆర్పీ పట్నాయక్ తో కలిసి వెళుతుండగా.. ఓ థియేటర్స్ లో జనాలు గుంపులు గుంపులుగా వెళ్లడం చూశారట. జనాలు ఎందుకు అంతగా ఎగబడుతున్నారని చూస్తే అది కామేశ్వరి అనే షకీలా సినిమా ఆంట. షకీలా అలా తెరపై కనబడగానే కుర్రకారు హారతులు పట్టరట. ఆ తర్వాత తన జయం(నితిన్) సినిమాలో కాలేజ్ లెక్చరర్ పాత్రకు షకీలాను ఫిక్సయిపోయానని తేజ తెలిపారు.
