సినిమా ఇండస్ట్రీలో కోట శ్రీనివాసరావుది ప్రత్యేక స్థానం. 1978లో చిరంజీవి సినిమా ప్రాణం ఖరీదు తోనే ఆయన కూడా ఇండస్ట్రీలోకి అడుగు పెట్టారు. కమెడియన్ గా , విలన్ గా, క్యారెక్టర్ ఆర్టిస్టుగా సుమారు 750 కు పైగా సినిమాల్లో నటించారు. తండ్రిగా, తాతగా, మామగా, బాబాయ్‌గా.. ఇలా ఎన్నో పాత్రల్లో ఒదిగిపోయి ఆడియెన్స్ చేత చప్పట్లు కొట్టించుకున్నారు. తన నటనా ప్రతిభకు ప్రతీకగా పద్మశ్రీ, నంది పురస్కారాలు సొంతం చేసుకున్నారు. అయితే తన 40 ఏళ్ల సినిమా కెరీర్ లో కోట శ్రీనివాసరావుకు తీరని కోరిక ఒక్కటే ఒకటుంది. దాని కోసం ఆయన 18 ఏళ్ల పాటు పరితపించారట. కానీ అది నెరవేరలేదట. అదేంటంటే.. స్వర్గీయ నందమూరి తారక రామారావుతో కలిసి నటించడం. అవును.. తన 40 ఏళ్ల సినీ ప్రయాణంలో సీనియర్ ఎన్టీఆర్‌తో కలిసి ఒక్క సీన్ లో నైనా కలిసి నటించలేదేఅన్న బాధ ఆయనలో ఉండేదట. సినిమా ఇండస్ట్రీలోకి ఎంట్రీ ఇచ్చాక ఈ అవకాశం ఆయన 18 ఏళ్లు ఎదురు చూశారట. కానీ అది నెరవేరలేదు. కోట శ్రీనివాస రావు సినిమాల్లోకి ఎంట్రీ ఇచ్చే సమయానికే ఎన్టీఆర్ ఇండస్ట్రీని వదిలి పెట్టి రాజకీయాల్లోకి వెళ్లిపోయారు.
ఆ తర్వాత రీ ఎంట్రీ ఇచ్చినప్పటికీ కేవలం మూడు, నాలుగు సినిమాల్లోనే నటించారు ఎన్టీఆర్. చివరికీ ఆ సినిమాల్లోనూ కోటకు అవకాశం రాలేదు. చివరకు ఎన్టీఆర్, మోహన్ బాబు ప్రధాన పాత్రల్లో నటించిన మేజర్ చంద్రకాంత్ సినిమాలో ఒక పాత్ర కోసం కోటకు పిలుపు వచ్చింది. కానీ.. అప్పటికే కోటకు బిజీ షెడ్యూల్‌ ఉండడంతో ఆ ఛాన్స్ కూడా పోయింది. చివరకు మేజర్ చంద్ర కాంత్ సినిమానే ఎన్టీఆర్ ఆఖరి మూవీ కావడంతో కోట శ్రీనివాసరావు కోరిక తీరలేదు.
కోట శ్రీనివాసరావు కుటుంబ సభ్యులను పరామర్శిస్తోన్న జూనియర్ ఎన్టీఆర్.. వీడియో..
View this post on Instagram
బాలయ్య, ఎన్టీఆర్ లతో సూపర్ హిట్ సినిమాలు..
ఎన్టీఆర్ తో నటించకపోయినా మండలాధీశుడు సినిమాలో ఎన్టీఆర్ రోల్ లో నటించి మెప్పించారు కోట. ఆ తర్వాత ఎన్టీఆర్ వారసులు బాలకృష్ణతో కూడా పలు సినిమాల్లో స్క్రీన్ షేర్ చేసుకున్నాడు. అలాగే మనవడు ఎన్టీఆర్ తో కూడా కలిసి నటించారు. కాగా కోట శ్రీనివాసరావు చివరిగా పవన్ కల్యాణ్ నటించిన హరి హర వీరమల్లు మూవీలో నటించారని తెలుస్తోంది. జులై 24న దీనిపై క్లారిటీ రానుంది.
మరిన్ని సినిమా వార్తల కోసం ఇక్కడ క్లిక్ చేయండి..
