Tollywood : ఒక్క సినిమాతోనే సంచలనం.. దెబ్బకు కనిపించకుండా పోయిన హీరోయిన్..

సౌత్ ఇండస్ట్రీలో ఒక్క సినిమాతోనే పాపులర్ అయ్యింది. అతి తక్కువ సమయంలోనే తనకంటూ ఓ గుర్తింపు తెచ్చుకుంది. పైన ఫోటోలో కనిపిస్తున్న చిన్నారి ఎవరో గుర్తుపట్టారా.. ? దక్షిణాది సినీప్రియులకు ఇష్టమైన హీరోయిన్. అందం, అభినయంతో సినీప్రియులను అలరించింది. ఈ బ్యూటీ నటనకు డైరెక్టర్ రాజమౌళి సైతం ఫిదా అయ్యారు. ఆమె మరెవరో కాదండి.. ప్రేమలు సినిమాతో కుర్రాళ్లకు కునుకు లేకుండా చేసిన కేరళ కుట్టి మమితా బైజు. యువత అభిమానించే ఈ హీరోయిన్ కు నేడు పెద్ద సంఖ్యలో అభిమానులు ఉన్నారు. మమిత చిన్ననాటి చిత్రం ప్రస్తుతం అందరి దృష్టిని ఆకర్షిస్తోంది. ఆ చిత్రంలో, మమిత తన సోదరుడితో నిలబడి ఉంది.

మమిత తొలి చిత్రం సర్వోపరి పాలకరన్, ఇది 2017లో విడుదలైంది. తరువాత, మమిత హనీ బీ 2, డాకిని, వరథన్, యాన్ ఇంటర్నేషనల్ లోకల్ స్టోరీ, వికృతి, ఆపరేషన్ జావా, టూ, సూపర్ శరణ్య, ప్రణయవిలాసం, రామచంద్ర బోస్ వంటి అనేక చిత్రాల్లో నటించింది. ఇక ప్రేమలు సినిమాతో ఈ బ్యూటీకి బ్రేక్ వచ్చింది. ఈ సినిమాతోనే ఇండస్ట్రీలో గుర్తింపు తెచ్చుకున్న ఈ అమ్మడుకు తెలుగులోనూ మంచి ఫాలోయింగ్ వచ్చింది. మమిత తమిళ నటుడు సూర్యతో కలిసి నటిస్తున్నట్లు వార్తలు వచ్చాయి. వీరిద్దరూ దర్శకుడు బాలా దర్శకత్వంలో ‘వనాంకన్’ చిత్రంలో నటించాల్సి ఉంది. కానీ తరువాత సూర్య ఆ చిత్రం నుండి తప్పుకోవడం.. ఆ తర్వాత మమితా సైతం తప్పుకుంది.

మమితా రెబెల్ సినిమాతో తమిళంలోకి అడుగుపెట్టింది. ప్రస్తుతం ఈ మూవీ అమెజాన్ ప్రైమ్ వీడియోలో స్ట్రీమింగ్ అవుతుంది. అయితే ప్రేమలు సినిమాతో గుర్తింపు తెచ్చుకున్న మమితాకు తెలుగులో మాత్రం అంతగా అవకాశాలు రాలేదు. ఇప్పుడు అమ్మడు ఇండస్ట్రీలో సైలెంట్ అయ్యింది.