ఓటీటీలో ఈమధ్య కాలంలో ఎక్కువగా సస్పెన్స్ థ్రిల్లర్, మిస్టరీ మూవీస్, వెబ్ సిరీస్ విడుదలవుతున్న సంగతి తెలిసిందే. ఇాలంటి జానర్ కథలపై అడియన్స్ ఎక్కువ ఆసక్తి చూపించడంతో మేకర్స్ సైతం ఈ తరహా చిత్రాలను నిర్మించేందుకు సిద్ధమవుతున్నారు. ప్రస్తుతం మీకు ఒక సస్పెన్స్ థ్రిల్లర్ మూవీ గురించి తెలుసా.. ? ఇటీవల ఓటీటీని ఊపేసిన థ్రిల్లర్ మూవీ..మీకు క్రైమ్-థ్రిల్లర్ సినిమాలను చూడడం ఇష్టమా.. ? అయితే మీరు కొన్ని ఇంట్రెస్టింగ్ మూవీస్ గురించి తెలుసుకోవాల్సిందే. ఈ ఏడాదిలో విడుదలైన ఈ సినిమా మొదటి నిమిషం నుండే ఉత్కంఠ మొదలవుతుంది. సినిమా ప్రారంభం నుంచి క్లైమాక్స్ వరకు ప్రతి సీన్ ఉత్కంఠగానే సాగుతుంది. అలాగే ఆద్యంతం చివరి వరకు చూడాలనే ఉత్సుకతను ప్రేరేపిస్తుంది. ఆ సినిమా పేరు ‘ఐడెంటిటీ’. మలయాళ భాషలో నిర్మించిన ఈ సస్పెన్స్ థ్రిల్లర్ చిత్రం ఈ ఏడాది ప్రారంభంలో విడుదలైంది. ఇందులో టోవినో థామస్, త్రిష కృష్ణన్, మందిరా బేడి, అజు వర్గీస్, గోపికా రమేష్ ముఖ్యమైన పాత్రల్లో కనిపించారు. ఒక హత్యతో ఈ మూవీ స్టోరీ మొదలవుతుంది. కథ విషయానికి వస్తే.. ఒక వ్యక్తిని పాత గిడ్డంగిలో చంపి సజీవ దహనం చేస్తారు. ఆ తర్వాత పోలీసులు ఆ హత్య కేసును దర్యాప్తు ప్రారంభిస్తారు.
ఇందులో టోవినో థామస్ స్కెచ్ ఆర్టిస్ట్ హరన్ శంకర్ పాత్రను పోషించాడు. అతడు గొప్ప స్కెచ్ ఆర్టిస్ట్. పోలీసులు అతనిని కూడా తమ దర్యాప్తులో చేర్చుకుంటారు. ఈ చిత్రంలో త్రిష కృష్ణన్ హత్యకు ఏకైక సాక్షి అయిన అలీషా పాత్రలో కనిపించింది. కానీ ఆమె కొంతవరకు జ్ఞాపకశక్తిని కోల్పోతుంది. ఇక ఈ సినిమా కథ ముందుకు సాగుతున్న కొద్దీ అనేక షాకింగ్ విషయాలు బయటపడతాయి. అనుక్షణం ఊహించని మలుపులతో ఉంటుంది.
ముఖ్యంగా క్లైమాక్స్ చూసి మీరు షాకవుతారు. దాదాపు 2 గంటల 36 నిమిషాల నిడివి ఉన్న ఈ సినిమా మీకు ఆద్యంతం ఊహించని థ్రిల్ ఇస్తుంది. ప్రస్తుతం ఈ సినిమా అమెజాన్ ప్రైమ్ వీడియోలో సంచలనం సృష్టిస్తోంది. మొదట్లో ఈ సినిమా దేశంలో టాప్ 10 ట్రెండింగ్ జాబితాలో ఉండేది. ఈ చిత్రానికి అఖిల్ పాల్, అనాస్ ఖాన్ దర్శకత్వం వహించారు. ఈ చిత్రానికి IMDbలో 10కి 7.2 రేటింగ్ లభించింది.
ఇవి కూడా చదవండి :
Tollywood: సినిమాలు వదిలేసి సన్యాసిగా మారిన హీరోయిన్.. కారణం ఇదేనట..
