-
తాను నటించిన చిత్రాలన్నిటిలో రెట్రో చాలా స్పెషల్ అని చెప్పారు నటి పూజా హెగ్డే. ఆ సినిమాలో ప్రతి సన్నివేశం తనకు ఇష్టమన్నారు. సీన్స్ తెరకెక్కించిన తీరు, వాటిలోని భావోద్వేగాలు అందరినీ ఆకట్టుకుంటాయని చెప్పారు. తానింకా పూర్తి సినిమా చూడలేదని చెప్పారు.
-
సిద్ధు జొన్నలగడ్డ నటించిన సినిమా జాక్. ఇటీవల ఈ సినిమా టీజర్ విడుదలైంది. ఇది ప్రేక్షకులను మెప్పించింది. ఇందులో సిద్దుకి జోడిగా బేబీ బ్యూటీ వైష్ణవి చైతన్య నటిస్తుంది. ఈ మూవీ సమ్మర్లో ఏప్రిల్ 10న విడుదల చేయనున్నారు మేకర్స్.
-
వయసుతో సంబంధం లేకుండా ఇప్పుడు అందరి ప్రేమాభిమానాలు సొంతం చేసుకుంటున్నానన్నారు రష్మిక మందన్న. సినీ ప్రియుల ప్రేమను అందుకోవడం ఎంతో ఆనందంగా ఉందన్నారు. చదువకునే రోజుల్లో తాను కాలేజీ క్రష్నని, ఆ తర్వాత కర్ణాటక క్రష్ అని, ఇప్పుడు నేషనల్ క్రష్ అయ్యానని చెప్పారు రష్మిక మందన్న.
-
అక్కినేని నాగార్జున, ఆయన కుటుంబసభ్యులు ప్రధాని మంత్రి మోదీని కలిశారు. లెజెండ్ అక్కినేని నాగేశ్వరరావు గురించి యార్లగడ్డ లక్ష్మీప్రసాద్ రాసిన అక్కినేని కా విరాట్ వ్యక్తిత్వ్ పుస్తకాన్ని ప్రధాని చేతుల మీదుగా విడుదల చేశారు. ఈ కార్యక్రమంలో అమల, నాగచైతన్య, శోభిత పాల్గొన్నారు.
-
ప్రముఖ దర్శకుడు ఎన్.శంకర్ కుమారుడు దినేష్ మహీంద్ర పరిచయమవుతున్నారు. ఫీల్ గుడ్ లవ్స్టోరీతో టాలీవుడ్కి ఎంట్రీ ఇస్తున్నారు దినేష్. ఏప్రిల్లో షూటింగ్ మొదలు కానుంది. ప్రస్తుతం పాటల రికార్డింగ్ జరుగుతోంది. ఆరెక్స్ క్రియేషన్స్ సంస్థ ఈ చిత్రాన్ని తెరకెక్కిస్తోంది.
