పాన్ ఇండియా మూవీ లవర్స్ ఎదురుచూస్తున్న కల్కి 2898 ఏడీ ప్రాజెక్ట్ మరో ఏడు రోజుల్లో విడుదల కానుంది. దీంతో ప్రమోషన్స్ వేగం పెంచింది చిత్రయూనిట్. ఇప్పటికే ట్రైలర్, టీజర్ రిలీజ్ చేస్తూ సినిమాపై అంచనాలు పెంచిన మేకర్స్.. ఇప్పుడు రోజుకో స్పెషల్ వీడియో విడుదల చేస్తూ మరింత హైప్ క్రియేట్ చేస్తున్నారు. కల్కి సినిమా స్టోరీ గురించి డైరెక్టర్ నాగ్ అశ్విన్ చెప్పిన విషయాలు మూవీపై మరింత క్యూరియాసిటీని పెంచేస్తున్నాయి. ఈసారి ప్రేక్షకులకు హాలీవుడ్ రేంజ్ గ్రాండ్ విజువల్ ట్రీట్ ఇవ్వనున్నట్లు ట్రైలర్ చూస్తే తెలుస్తోంది. ఈ సినిమా ప్రమోషన్లలో భాగంగా బుధవారం ముంబైలో ప్రీ రిలీజ్ ఈవెంట్ నిర్వహించింది చిత్రయూనిట్. ఈ వేడుకలో ప్రభాస్, అమితాబ్, కమల్ హాసన్, రానా దగ్గుబాటి, దీపికా పదుకొణె పాల్గొన్నారు. ఇక ఈ ఈవెంట్లో బిగ్ బీ చేసిన సందడి గురించి చెప్పక్కర్లేదు. ఎప్పటిలాగే ప్రభాస్ను ఆట ఆడుకున్నాడు. ఇందుకు సంబంధించిన విజువల్స్ నెట్టింట వైరలవుతున్నాయి.
కల్కి ప్రీ రిలీజ్ ఈవెంట్లో రానా దగ్గుబాటి హోస్టింగ్ చేశాడు. ఈ క్రమంలో ప్రభాస్, కమల్ హాసన్, అమితాబ్, దీపికాను స్టేజ్ పైకి పిలిచి సినిమా గురించి ప్రశ్నించారు. ఈ క్రమంలోనే స్టేజ్ పైకి రాగానే రానా పై పంచులు వేస్తూ నవ్వులు పూయించారు బిగ్ బీ. ఆ తర్వాత ఒక్కొక్కరిగా సినిమా గురించి ఆసక్తికర విషయాలను పంచుకున్నారు. హీరోయిన్ దీపికా పదుకొణె ప్రెగ్నెంట్ అన్న సంగతి తెలిసిందే. చివరగా ఆమె స్టేజ్ దిగుతున్న సమయంలో మెట్ల దగ్గర ప్రభాస్ ఆమెకు చేయి అందించి సహయం చేశాడు.
ఇక పక్కనే ఉన్న అమితాబ్ వెంటనే ప్రభాస్ను జాగ్రత్తగా తీసుకువస్తున్నట్లు చేశాడు. దీంతో అక్కడున్న వాళ్లంతా నవ్వేశారు. ఇక అమితాబ్ చేసిన పనికి ప్రభాస్ షాకయ్యి అక్కడే నిలబడగా.. రానా, దీపికా కూడా నవ్వేశారు. ఇందుకు సంబంధించిన వీడియో ఇప్పుడు సోషల్ మీడియాలో వైరలవుతుండగా.. అమితాబ్ ఎనర్జీ.. ఆయన స్పాంటినిటీ చూసి ఆశ్చర్యపోతున్నారు నెటిజన్స్. 81 ఏళ్ల వయసులోనూ ఈ రేంజ్ లో అల్లరి చేయడం చూసి షాకవుతున్నారు.
Such a moment
#Kalki2898AD #Prabhas pic.twitter.com/mCEd88Au8t
— Siva Harsha (@SivaHarsha_23) June 19, 2024
మరిన్ని సినిమా వార్తల కోసం ఇక్కడ క్లిక్ చేయండి.
