తమిళ్ స్టార్ హీరో సూర్య గురించి ఆయన క్రేజ్ గురించి అందరికి తెలిసిందే. విభిన్నమైన కథలను ఎంచుకుంటూ తనకంటూ సపరేట్ స్టైల్ ను క్రియేట్ చేసుకున్నారు. సూర్యకు తెలుగులోనూ మంచి ఫ్యాన్ ఫాలోయింగ్ ఉంది. సూర్య తన కెరీర్ లో ఎన్నో వైవిధ్యమైన సినిమాలు చేసి విజయాలను అందుకున్నారు. గజినీ సినిమాతో తెలుగు ప్రేక్షకులకు కూడా దగ్గరయ్యారు. సూర్య నటించిన అన్ని సినిమాలు దాదాపు తెలుగులోనూ రిలీజ్ అయ్యాయి. ఇక సూర్య సతీమణి జ్యోతిక గురించి కూడా అందరికి తెలిసిందే.. ఆమె కూడా హీరోయిన్ గా పలు సినిమాల్లో నటించి మెప్పించింది. ఇక ఈ జంట ఎంతో అన్యోన్యంగా ఉంటారు. తమ పిల్లను ఎంతో క్రమ శిక్షణతో పెంచుతున్నారు. సూర్య, జ్యోతికల ముద్దుల కుమార్తె దియా ఇటీవలే ఇంటర్ ఎక్జామ్స్ రాసింది. ఆమెకు వచ్చిన మార్కులు ఇప్పుడు వైరల్ అవుతున్నాయి.
12వ జనరల్ ఎగ్జామినేషన్ లో సూర్య కూతురు దియా సత్తా చాటింది. చాలా మంది సెలబ్రెటీల పిల్లలు అత్యధిక మార్కులు తెచుకోకపోయినా పాస్ అయ్యితే చాలు అనే మెంటాలిటీతో ఉంటారు. కానీ సూర్య కూతురు మాత్రం చదువులో సత్తా చాటుతుంది. ఆమె మార్కులు చూసి సూర్య జ్యోతిక తెగ సంబరపడిపోతున్నారు. కూతురిని ప్రశంసలతో ముంచెత్తుతుంటే.. తెగ మురిసిపోతున్నారు.
తమిళ్ లో వందకు 96 మార్కులు సాధించింది దియా.. అలాగే ఇంగ్లీష్ లో 97, అకౌంట్స్ లో 94, ఫిజిక్స్ లో 99, కెమిస్ట్రీలో 98, కంప్యూటర్ సైన్స్ లో 97 మార్కులు తెచ్చుకుంది. మొత్తంగా 600కి 581 మార్కులు సాధించింది ఈ అమ్మడు. 96.83 శాతం ఉత్తీర్ణత సాధించింది. ఇంటర్ ఎగ్జామ్స్ లోనే కాదు.. అంతకు ముందు జరిగిన ఎగ్జామ్స్ లోనూ మంచి మార్కులు తెచ్చుకుంది. పదవ తరగతిలో 97 శాతం కంటే ఎక్కువ మార్కులు సాధించింది దియా. ఈ మార్కుల లిస్ట్ ఇప్పుడు సోషల్ మీడియాలో వైరల్ గా మారింది. సూర్య సినిమాల విషయానికొస్తే ప్రస్తుతం కంగువ సినిమాతో బిజీగా ఉన్నాడు. ఈ సినిమా పిరియాడికల్ డ్రామాగా తెరకెక్కుతోంది.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
