కార్తీ హీరోగా తెరకెక్కిన ఖాకీ చిత్రం ఎంతటి విజయాన్ని సాధించిందో ప్రత్యేకంగా చెప్పాల్సిన పనిలేదు. 2017లో వచ్చిన ఈ సినిమా మంచి విజయాన్ని నమోదు చేసుకుంది. నిజ జీవిత కథాంశంతో తెరకెక్కిన ఈ సినిమా బాక్సాఫీస్‌ వద్ద కలెక్షన్ల వర్షంతో పాటు విమర్శకలు ప్రశంసలు సైతం అందుకుంది.
దారిదోపిడులు చేస్తూ హత్యలు చేసే అత్యంత ప్రమాదకరమైన ముఠాను కార్తీ అండ్‌ టీమ్ ఎలా పట్టుకుందన్న ఇతివృత్తంతో వచ్చిన ఈ సినిమా ప్రేక్షకులను విపరీతంగా ఆకట్టుకుంది. ఇదిలా ఉంటే తాజాగా ఈ సినిమాకు సీక్వెల్ తెరకెక్కనున్నట్లు తెలుస్తోంది. ఈ చిత్రానికి హెచ్‌. వినోద్‌ దర్శకత్వం వహించిన విషయం తెలిసిందే. ఇదిలా ఉంటే ఇప్పుడీ సినిమాకు సీక్వెల్ తెరక్కించేందుకు సిద్ధమవుతున్నట్లు సమాచారం.
ప్రస్తుతం స్క్రిప్ట్‌ దశలో ఉన్న ఈ చిత్రాన్ని త్వరలోనే పట్టాలెక్కించనున్నారు తెలుస్తోంది. అయితే ఈ సినిమా కూడా ఏదైనా వాస్తవ సంఘటనల ఆధారంగా తెరకెక్కిస్తారా.? లేదా అన్న దానిపై మాత్రం ఇంత వరకు స్పష్టత రాలేదు. త్వరలోనే ఈ సినిమాకు సంబంధించిన అధికారిక ప్రకటన వచ్చే అవకాశాలు ఉన్నట్లు సమాచారం. ఇక ఫస్ట్‌ పార్ట్‌లో రకుల్ హీరోయిన్‌గా నటించిన విషయం తెలిసిందే.
ఇదిలా ఉంటే కార్తీ ఖైదీ, సర్ధార్‌ చిత్రాల సీక్వెల్స్‌లోనూ నటించనున్న విషయం తెలిసిందే. ఇప్పటికే ఆ చిత్ర దర్శకనిర్మాతలు ఈ విషయాన్ని అధికారికంగా ప్రకటించారు. ఇక హెచ్‌ వినోద్‌ ప్రస్తుతం కమల్‌ హీరోగా ఓ సినిమాను తెరకెక్కిస్తున్నారు. ఈ లెక్కన ఖాకీ ప్రాజెక్ట్ పట్టాలెక్కాలంటే కనీసం రెండేళ్లు పట్టే అవకాశం ఉన్నట్లు అంచనా.
మరిన్ని సినిమా వార్తల కోసం క్లిక్ చేయండి..
