బాలీవుడ్ హీరో రణబీర్ కపూర్, డైరెక్టర్ సందీప్ రెడ్డి వంగా కాంబోలో రాబోతున్న చిత్రం యానిమల్. ఇప్పటికే అన్ని కార్యక్రమాలు పూర్తిచేసుకున్న ఈ సినిమా డిసెంబర్ 1న ప్రపంచవ్యాప్తంగా విడుదల కాబోతుంది. ఈ మూవీ ప్రమోషన్లలో భాగంగా ఇటీవల యానిమల్ ట్రైలర్ రిలీజ్ చేశారు మేకర్స్. తండ్రి, కొడుకుల మధ్య ఉండే అనుబంధం, ఎమోషన్స్తో ట్రైలర్ అదిరిపోయింది. ఒక్క వీడియోతో సినిమాపై ఊహించని హైప్ క్రియేట్ చేశాడు డైరెక్టర్ సందీప్. అయితే ఇందులో రణబీర్ లుక్స్, యాక్షన్ సీన్స్ ఆకట్టుకున్నాయి. అదే సమయంలో రణబీర్ కపూర్ తోపాటు.. ప్రతినాయకుడు బాబీ డియోల్ లుక్ సైతం ప్రేక్షకులను ఆకట్టుకుంది. ముఖ్యంగా ఆయన ఫిజిక్ గురించి నెట్టింట చర్చ జరిగింది. రణబీర్ కపూర్ కంటే ఎక్కువగా ఫిజిక్తో కనిపించాడు బాబీ డియోల్. అయితే యానిమల్ సినిమా కోసం బాబీ డియోల్ దాదాపు నాలుగు నెలలు కఠోర సాధన చేసినట్లు వెల్లడించాడు ఆయన వ్యక్తిగత శిక్షకుడు ప్రజ్వల్ శెట్టి. విలన్ పాత్రలో నటించిన బాబీకి “రణబీర్ కంటే విశాలమైన” శరీరాకృతి ఉండాలని సందీప్ చెప్పాడని శెట్టి పేర్కొన్నాడు.
2017లో సల్మాన్ ఖాన్ నటించిన రేస్ 3లో బాబీ అద్భుతంగా నటించి మెప్పించాడు. అప్పటినుంచి అతడికి వ్యక్తిగత శిక్షకుడిగా పనిచేస్తున్నాడు ప్రజ్వల్ శెట్టి. యానిమల్ సినిమాలో విలన్ లుక్ కోసం బాబీ డియోల్ అసలు స్వీట్స్ ముట్టుకోలేదని.. ప్రస్తుతం కనిపిస్తున్నట్లు మారేందుకు దాదాపు నాలుగు నెలల పాటు కఠినమైన శిక్షణ తీసుకున్నాడని వెల్లడించాడు. ఇండియా టుడేకి ఇచ్చిన ఇంటర్వ్యూలో, ప్రజ్వల్ మాట్లాడుతూ.. క్రమశిక్షణతోపాటు ఆహారం, వ్యాయామ దినచర్యను ఫాలో అయ్యాడని తెలిపాడు. ప్రజ్వల్ మాట్లాడుతూ.. “ఈ చిత్రంలో రణబీర్ కంటే బాబీ విశాలంగా, పెద్దగా కనిపించాలని దర్శకుడు సందీప్ నాకు ముందే చెప్పారు. బాబీ శరీరాకృతి ఎక్కువగా కనిపించేలా చేయాలన్నారు. దీంతో సందీప్ చెప్పిన మాటలను గుర్తుచేసుకున్నాం. బాబీ లుక్ కోసం చాలా శ్రద్ధగా డైట్ ఫాలో అయ్యాం. స్వీట్స్ అస్సలు తీసుకోలేదు. అలాగే కఠిన శిక్షణ చేశాడు. దీంతో బాబీ డియోల్ శరీరంలోని కొవ్వు శాతం 12కి తగ్గింది. అతని బరువు 85 నుండి 90 మధ్యకు చేరింది. బాబీ లుక్ చూసి సందీప్ చాలా సంతోషించాడు. లాస్ట్ క్లైమాక్స్ షూట్ చేస్తున్న సమయంలో నన్ను పిలిచి ప్రశంసించాడు సందీప్. ఇది నేను అస్సలు ఊహించలేదు.” అంటూ చెప్పుకొచ్చాడు.
View this post on Instagram
కబీర్ సింగ్ తర్వాత హిందీలో సందీప్ తెరకెక్కిస్తోన్న సినిమా యానిమల్. ఇందులో నేషనల్ క్రష్ రష్మిక మందన్నా కథానాయికగా నటిస్తోంది. ఇప్పటికే విడుదలైన ట్రైలర్ మూవీపై అంచనాలను పెంచేయగా.. గతంలో విడుదలైన పాటలు మ్యూజిక్ లవర్స్ ను ఆకట్టుకున్నాయి. ఈ సినిమా డిసెంబర్ 1న పాన్ ఇండియా లెవల్లో విడుదల కానుంది.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
