మహేష్ బాబు సినిమా అంటే మాములుగా ఉండదు.. అయన సినిమా వస్తుందంటే అభిమానులకు పండగే అని చెప్పాలి. మహేష్ ప్రస్తుతం గుంటూరు కారం సినిమాతో బిజీగా ఉన్నాడు. త్రివిక్రమ్ దర్శకత్వంలో తెరకెక్కుతోన్న ఈ సినిమా కోసం మహేష్ ఫాన్స్ వేయికళ్లతో ఎదురుచూస్తున్నారు. గతంలో ఈ ఇద్దరి కాంబోలో వచ్చిన అతడు, ఖలేజా సినిమాలు ఎంత పెద్ద హిట్ అయ్యాయో ప్రత్యేకంగా చెప్పాల్సిన అవసరం లేదు. ఇప్పుడు ముచ్చటగా మూడో సినిమాతో ప్రేక్షకులను అలరించనున్నారు ఈ ఇద్దరు. ఇక గత సినిమాలకు బిన్నంగా ఉండేలా ఈ మూవీని తెరకెక్కిస్తున్నాడు త్రివిక్రమ్. ఇక ఈ సినిమా తర్వాత మహేష్ దర్శక ధీరుడు రాజమౌళి దర్శకత్వంలో సినిమా చేస్తున్న విషయం తెలిసిందే. ఈ కాంబో కోసం మహేష్ అభిమానులు ఎప్పటినుంచో ఎదురుచూస్తున్నారు.
ఈ సినిమాకు సంబంధించిన పనులు చకచకా జరుగుతున్నాయి. త్వరలోనే ఈ మూవీ కోసం వర్క్ షాప్ ను మొదలుపెట్టనున్నాడు గురూజీ. ఇదిలా ఉంటే ఈ మూవీ గురించి రోజుకోకవార్త సోషల్ మీడియాలో వైరల్ గా మారుతుంది. ఇప్పటికే ఈ సినిమా పై రాజమౌళి తండ్రి విజయేంద్రప్రసాద్ ఇస్తున్న హిట్స్ అభిమానుల్లో అంచనాలను పెంచేస్తున్నాయి.
ఇదిలా ఉంటే ఈ సినిమా బాలీవుడ్ స్టార్స్ కూడా నటించనున్నారట. మహేష్ తో పాటు ఈ సినిమాలో ముగ్గురు బాలీవుడ్ స్టార్స్ నటించబోతున్నారు అని టాక్. అలాగే ఈ సినిమాను రాజమౌళి 1500 కోట్ల బడ్జెట్ తో తెరకెక్కిస్తున్నడని అంటున్నారు. మరి మహేష్ సినిమాలో నటించనున్న ఆ ముగ్గురు బాలీవుడ్ స్టార్స్ ఎవరు అన్నది తెలియాల్సి ఉంది.
