ఒకప్పుడు జానపద పాటలు కేవలం పల్లెటూర్లకో పరిమతమయ్యేవి. పండగలు, జాతర్లలో మాత్రమే ఈ ఫోక్ సాంగ్స్ వినిపించేవి. అయితే ఇప్పుడు సోషల్ మీడియా పుణ్యమా అని ఈ పల్లెటూరి పాటలు అంతర్జాతీయ వేదికలపైనా వినిపిస్తున్నాయి. మరీ ముఖ్యంగా తెలంగాణ పల్లె పాటలు సినిమా పాటలకు మించి రెస్పాన్స్ తెచ్చుకుంటున్నాయి. మిలియన్ల కొద్దీ వ్యూస్ తో సోషల్ మీడియాను షేక్ చేస్తున్నాయి. అలా తెలంగాణ సంస్కృతికి చాటి చెప్పిన ‘రాను బొంబాయికి రాను’ ఇప్పుడు ఓ సరికొత్త చరిత్ర సృష్టించింది. గత ఏడాది కాలంగా సోషల్ మీడియాలో ట్రెండ్ అవుతోన్న ఈ ఫోక్ సాంగ్ యూట్యూబ్ లో ఏకంగా 800 మిలియన్ల (80 కోట్ల) వ్యూస్ సాధించింది. తద్వారా తెలుగు జానపద పాటల్లో ఓ సరికొత్త ట్రెండ్ ను క్రియేట్ చేసింది.
తెలుగు చిత్ర పరిశ్రమలో ఇప్పటివరకు అత్యధిక వ్యూస్ సాధించిన పాటగా అల్లు అర్జున్ ‘అల వైకుంఠపురములోని’ సినిమాలోని ‘బుట్టబొమ్మ’ నిలిచింది. ఈ పాటకు యూట్యూబ్ లో ఇప్పటివరకు 937 మిలియన్లు (93 కోట్ల) వ్యూస్ వచ్చాయి. అయితే ఇప్పుడీ సినిమా సాంగ్ కు పోటీగా ఓ ఫోక్ సాంగ్ యూట్యూబ్ ను ఊపేస్తోంది. బిగ్ బాస్ ఫేమ్ రామూ రాథోడ్ సృష్టించిన ఈ సాంగ్ కు చిన్న పిల్లాడి నుంచి పండు ముసలాడి దాకా అందరూ స్టెప్పులేసిన వాళ్లే. అలాగే సినిమా తారలు కూడా ఈ సాంగ్ కు రీల్స్ చేశారు. ఇప్పటికీ తెలుగు రాష్ట్రాల్లో ఏ ఫంక్షన్ జరిగినా ఈ పాట వినపడాల్సిందే.
‘రాను బొంబాయికి రాను’ సాంగ్ కు రామూ రాథోడ్.. స్వయంగా సాహిత్యాన్ని అందించి.. తనదైన శైలిలో గానం చేశాడు. దీనికి కళ్యాణ్ కీస్ అద్భుతమైన ట్యూన్ స్వరపరిచాడు. అలాగే శేఖర్ వైరస్ మాస్టర్ స్టెప్పులు ఈ సాంగ్ కు మరింత హైలెట్ గా నిలిచాయి. కాగా ఈ సాంగ్ కు 400 మిలియన్ల వ్యూస్ టైమ్లో ఈ పాటకు కోటికి పైగా రెవెన్యూ వచ్చిందని రామూ రాథోడే స్వయంగా చెప్పాడు. అలాంటిది ఇప్పుడు ఈ పాటకు ఏకంగా ఈ పాట 800 మిలియ వ్యూస్ దాటేసింది. అంటే ఈ లెక్కన ఈ పాటకు రూ.2 కోట్లకు పైగానే రెవెన్యూ వచ్చిందని తెలుస్తోంది. అయితే ఇందులో చాలా లెక్కలుంటాయి. యూట్యూబ్ వాటా, ఆదాయం ప్రకటనలు, అలాగే CPM (కాస్ట్ పర్ మైల్) ఆధారంగా ఈ ఆదాయం మారుతూ ఉంటుంది.
‘రానూ బొంబాయికి రానూ’ వీడియో సాంగ్
మరిన్ని సినిమా వార్తల కోసం ఇక్కడ క్లిక్ చేయండి.
