యంగ్ రెబల్ స్టార్ ప్రభాస్ సినిమాల కోసం ఆయన ఫ్యాన్స్ ఎంతో ఆసక్తిగా ఎదురుచూస్తున్నారు. రాధేశ్యామ్, ఆదిపురుష్ చిత్రాలు నిరాశపరచడంతో ఇప్పుడు ఆశలన్నీ సలార్, కల్కి చిత్రాలపైనే ఉన్నాయి. ఇద్దరూ బడా డైరెక్టర్స్.. భారీ ఎత్తున రూపొందిస్తోన్న ఈ సినిమాల కోసం వరల్డ్ వైడ్ గా ఉన్న డార్లింగ్ ఫ్యాన్స్ వెయిట్ చేస్తున్నారు. ఈ సినిమాలకు సంబంధించిన అప్డేట్స్ కోసం నెట్టింట అభిమానులు చేసే రచ్చ గురించి తెలిసిందే. ఇదిలా ఉంటే..మరోవైపు సైలెంట్ గా షూటింగ్ కంప్లీట్ చేసుకుంటుంది మరో ప్రాజెక్ట్. డైరెక్టర్ మారుతీ దర్శకత్వంలో ప్రభాస్ నటిస్తోన్న కొత్త సినిమా గురించి అంతగా అప్డేట్స్ రావడం లేదు. కానీ కొన్నాళ్లుగా ఈ మూవీ సెట్స్ నుంచి కొన్ని ఫోటోస్ మాత్రం నెట్టింట లీక్ అవుతుంటాయి. వీరిద్దరి కాంబోలో రాబోయే సినిమా కామెడీ జోనర్ అని టాక్ వినిపిస్తుంది. ఇందులో ప్రభాస్ జోడిగా ముగ్గురు భామలు నటిస్తున్నట్లుగా తెలుస్తోంది.
తాజాగా ఈ ప్రాజెక్ట్ నుంచి ప్రభాస్ కు సంబంధించిన రెండు పిక్స్ ఇప్పుడు సోషల్ మీడియాలో లీక్ అయ్యాయి. ఒక ఫైట్ లో భాగంగా ప్రభాస్ విలన్స్ తో పోరాడుతున్న సీన్స్ తాలూకు ఫోటోస్ అని తెలుస్తోంది. అయితే అందులో ప్రభాస్ లుక్ మాత్రం ఆశ్చర్యం కలిగిస్తోంది. ఎందుకంటే.. ఇప్పటివరకు ప్రభాస్ కాస్త లావుగా కనిపించారు. కానీ ఇప్పుడు నెట్టింట లీక్ అయిన ఫోటోలలో మాత్రం గతంలోని యోగి సినిమాలోని లుక్ లో కనిపిస్తున్నారు. ఇటీవలే ఈ మూవీ నుంచి హీరోయిన్ మాళవిక మోహనన్ కి సంబంధించిన యాక్షన్ సీన్ కు సంబంధించిన వీడియో లీక్ అయిన సంగతి తెలిసిందే. అయితే ప్రభాస్, మారుతీ ప్రాజెక్ట్ నుంచి ఇలా ఫోటోస్ లీక్ కావడం ఇది మొదటి సారి కాదు. గతంలోనూ అనేకసార్లు ఈ ప్రాజెక్ట్ నుంచి ఫోటోస్ లీక్ అయ్యాయి. దీంతో ఇకపై ఇలాంటివి జరగకుండా మేకర్స్ గట్టిగానే చర్యలు తీసుకోనున్నట్లు తెలుస్తోంది.
Vintage looks Mass #Prabhas
Leaked pic from #PrabhasMaruthi sets.#BrandedFeatures | #INDvsPAK pic.twitter.com/KqJd2L2fsj
— . (@Umesh__Prabhas) October 14, 2023
ఈ సినిమాకు సంబంధించిన పూర్తి వివరాలు.. టైటిల్, రిలీజ్ డేట్ త్వరలోనే అనౌన్స్ చేయనున్నట్లు తెలుస్తోంది. ఈ సినిమా పూర్తైన తర్వాత ప్రభాస్ డైరెక్టర్ సందీప్ వంగా దర్శకత్వంలో స్పిరిట్ మూవీ పట్టాలెక్కనుంది. అలాగే డైరెక్టర్ ప్రశాంత్ నీల్ తెరకెక్కించిన సలార్ సినిమా త్వరలోనే అడియన్స్ ముందుకు రాబోతుంది. ఈ చిత్రాన్ని హోంబలే ఫిల్మ్స్ పాన్ ఇండియా స్థాయిలో నిర్మిస్తుండగా.. శ్రుతి హాసన్ కథానాయికగా నటిస్తోంది.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
