80వ దశకంలో అగ్రకథానాయికగా ఓ వెలుగు వెలిగిన హీరోయిన్ రాధ. దక్షిణాది సినీ పరిశ్రమలో నటిగా గుర్తింపు తెచ్చుకుంది రాధ. ఆ తర్వాత ఆమె పెద్ద కూతురు కార్తీక సైతం సినీ నటిగా అరంగేట్రం చేసింది. అక్కినేని నాగచైతన్య నటించిన జోష్ సినిమాతో తెలుగు తెరకు పరిచయమైంది. ఈ సినిమా అంతగా ఆకట్టుకోలేదు. కానీ కార్తీక నటనకు మాత్రం మంచి మార్కులే పడ్డాయి. ఆ తర్వాత తెలుగులో పలు చిత్రాల్లో నటించి మెప్పించింది. జూనియర్ ఎన్టీఆర్ సరసన దమ్ము సినిమాలో మెరిసింది. కానీ అనుకున్నంతగా ఈ బ్యూటీకి అవకాశాలు మాత్రం రాలేదు. దీంతో సినిమాలకు దూరంగా ఉంటూ బిజినెస్ రంగంలో రాణిస్తుంది. తాజాగా హీరోయిన్ కార్తీక పెళ్లికి సిద్ధమైనట్లుగా తెలుస్తోంది. ఈ సందర్భంలో కార్తీక తన ఇన్‌స్టాగ్రామ్ పేజీలో షేర్ చేసిన పోస్ట్ ఇంటర్నెట్‌లో వైరల్ అవుతోంది.
హీరోయిన్ కార్తీక త్వరలోనే పెళ్లి చేసుకోబోతున్నట్లుగా తెలుస్తోంది. ఎందుకంటే.. తాజాగా తన ఇన్ స్టాలో ఓ వ్యక్తిని హాగ్ చేసుకుంటూ ఉంగరం ధరించిన ఫోటోను షేర్ చేసింది. ఇక ఆ ఫోటో చూస్తే ఆమెకు నిశ్చితార్థం జరిగినట్లు తెలుస్తోంది. అయితే కార్తీక పెళ్లిపై అధికారికంగా ఎలాంటి సమాచారం లేదు. అలాగే, కార్తీక తన పోస్ట్‌లో తన కాబోయే భర్త గురించి సమాచారాన్ని వెల్లడించలేదు. కానీ ఆ ఫోటోలో కేవలం ఉంగరాన్ని మాత్రమే హైలెట్ చేస్తూ కనిపించడం.. నెగిటివ్ ఎనర్జీ పడకూడదనే ఈగల్ ఐ ఎమోజీని షేర్ చేయడంతో కార్తీక ఎంగేజ్మెంట్ అయినట్లుగా కామెంట్స్ చేస్తున్నారు. అయితే కార్తీకకు కాబోయే వరుడు ఎవరనేది మాత్రం తెలియరాలేదు. ఇదిలా ఉంటే.. కొద్ది రోజులుగా కార్తీక ప్రేమ, పెళ్లి గురించి వార్తలు కోలీవుడ్ ఇండస్ట్రీలో చక్కర్లు కొట్టాయి. అయితే ఆ రూమర్స్ పై కార్తీక నుంచి ఎలాంటి స్పందన రాలేదు. ఇక ఇప్పుడు ఆమె ఇన్ స్టా పోస్ట్ చూసి ఆ రూమర్స్ నిజమే అంటున్నారు.
View this post on Instagram
కార్తీక సోదరి తులసి కూడా కొన్ని సినిమాల్లో నటించింది. మణిరత్నం దర్శకత్వం వహించిన ‘కడల్’ సినిమాతో ఆమె తొలిసారిగా నటించింది. ఈ చిత్రంలో గౌతమ్ కార్తీక్ నటించారు. అలాగే తెలుగులో అల్లరి నరేష్ నటించిన బ్రదర్ ఆఫ్ బొమ్మాళి సినిమాలో చివరిసారిగా కనిపించింది. ఆ తర్వాత తెలుగులో మరో సినిమా చేయలేదు. ఈ సందర్భంలో కార్తీక ఎలాంటి సందడి లేకుండా షేర్ చేసిన పోస్ట్ మాత్రం అభిమానులను ఆశ్చర్యానికి గురి చేసింది.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
