సమంత.. ప్రస్తుతం విదేశాలకు వెళ్లేందుకు సిద్ధమవుతోంది. ఇటీవలే ఖుషి, సిటాడెల్ చిత్రీకరణలు పూర్తిచేసిన ఆమె.. కొద్ది రోజులుగా కోయంబత్తూరులోని సద్గురు ఇషా ఫౌండేషన్లో గడుపుతున్నారు. మరికొద్ది రోజుల్లోనే సామ్ మయోసైటిస్ సమస్యకు చికిత్స తీసుకోవడానికి విదేశాలకు వెళ్లనుంది. దాదాపు సంవత్సరంపాటు సినిమాల నుంచి బ్రేక్ తీసుకోనున్నట్లు వార్తలు వినిపిస్తున్నాయి. ఇప్పటికే పలు చిత్రాల కోసం తీసుకున్న రెమ్యూనరేషన్ తిరిగి ఇచ్చేసిందని వార్తలు వినిపించాయి. అయితే ఈ వార్తలపై స్పందించకుండానే.. పరొక్షంగా సినిమాలకు బ్రేక్ తీసుకుంటున్నట్లు తెలిపింది. అయితే కొద్ది రోజులుగా నెట్టింట సైలెంట్ అయిన సామ్.. తాజా సరికొత్త లుక్లో కనిపించి ఆశ్చర్యపరిచింది. హెయిర్ పూర్తిగా కట్ చేసి.. షార్ట్ హెయిర్తో క్యూట్ లుక్ లో కనిపించింది.
తాజాగా ఆమె తన ఇన్ స్టాలో షేర్ చేసిన వీడియోలో బీచ్ వద్ద షార్ట్ హెయిర్తో చిరునవ్వులు చిందిస్తూ కనిపించింది. అందులో సామ్ ఎంతో క్యూట్ అండ్ ప్రెటీగా కనిపిస్తూ అభిమానులను ఫిదా చేసింది. ప్రస్తుతం ఈ వీడియో వైరలవుతుండగా.. సామ్ ఎంతో అందంగా ఉందని అంటూ కామెంట్స్ చేస్తున్నారు. ఇక సామ్ న్యూలుక్ పై హీరోయిన్ హన్సిక స్పందిస్తూ.. సమంత ఎప్పటికీ అందంగా ఉంటుందంటూ కామెంట్ చేసింది. మొత్తానికి తన న్యూలుక్తో ఫ్యాన్స్ను ఆశ్చర్యపరిచింది సామ్.
ఇక సామ్, విజయ్ దేవరకొండ జంటగా నటించిన లేటేస్ట్ చిత్రం ఖుషి. డైరెక్టర్ శివ నిర్వాణ దర్శకత్వం వహించిన ఈ సినిమా త్వరలోనే అడియన్స్ ముందుకు రానుంది. ఇప్పటికే ఈ సినిమా నుంచి విడుదలైన సాంగ్స్ మాత్రం ఆకట్టుకుంటున్నాయి. ముఖ్యంగా ఇందులో విజయ్, సామ్ కెమిస్ట్రీ ప్రేక్షకులకు తెగ నచ్చేసింది.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.