బుల్లితెరపై బిగ్బాస్ రియాల్టీ షోకు ఉన్న క్రేజ్ గురించి చెప్పక్కర్లేదు. హిందీ, తమిళం, కన్నడతోపాటు.. తెలుగులోనూ ఈ షో విజయవంతమైంది. ఓవైపు ఈ షోపై ఎన్ని విమర్శలు వచ్చినా.. ప్రేక్షకాదరణ ఏమాత్రం తగ్గలేదు. ఇప్పటికే ఈ షో విజయవంతంగా ఆరు సీజన్స్ పూర్తి చేసుకుంది. త్వరలోనే సీజన్ 7 స్టార్ట్ కానుంది. ఇప్పటికే సోషల్ మీడియాలో సీజన్ 7 సందడి షూరు అయ్యింది. ఇటీవలే ఈ షోకు సంబంధించిన లోగో పోస్టర్, టీజర్ రివీల్ చేస్తూ అడియన్స్లో మరింత ఉత్సాహం నింపారు నిర్వాహకులు. మరోవైపు ఈసారి ఇంట్లోకి అడుగుపెట్టేది వీళ్లే అంటూ కంటెస్టెంట్ లిస్ట్ సైతం నెట్టింట చక్కర్లు కొడుతుంది. సీరియల్ యాక్టర్స్ నుంచి యాంకర్స్, కమెడియన్స్, మోడల్స్, యూట్యూబర్స్ అంటూ చాలా మంది పేర్లు వినిపిస్తున్నాయి. అయితే ఈ జాబితాపై స్పష్టత రానుంది. ఇక ఈసారి బిగ్బాస్ షో హోస్ట్ చేసేది కూడా నాగార్జునే అని క్లారిటీ వచ్చేసింది.
ఇదిలా ఉంటే.. ఇటీవల టీజర్ విడుదల చేస్తూ ప్రేక్షకులకు మరొక సందేహం కలిగించారు కింగ్ నాగ్. కుడి ఎడమైతే పొరపాటు లేదోయ్ అంటూ పాట పాడుతూ ఈసారి బిగ్బాస్ పై మరింత సస్పెన్స్ క్రియేట్ చేశారు. దీంతో సీజన్ 7 ఎలా ఉండబోతుందని అనే ప్రశ్నలు మొదలయ్యాయి. తాజాగా దీనికి సమాధానమిచ్చారు నాగ్. త్వరలోనే బిగ్బాస్ సీజన్ 7 స్టార్ట్ కాబోతుండడంతో.. బిగ్బాస్ షైనింగ్ స్టార్స్ పేరుతో ఈవెంట్ ఏర్పాటు చేశారు నిర్వాహకులు. గత ఆరు సీజన్లలో పాల్గొన్న కొందరు కంటెస్టెంట్స్ ఈ వేదికపై సందడి చేయగా.. తాజాగా ఇందుకు సంబంధించిన ప్రోమో రిలీజ్ చేశారు.
ఈ కార్యక్రమానికి సుమ యాంకర్ బాధ్యతలు తీసుకోగా.. నాగార్జున ముఖ్య అతిథిగా విచ్చేశారు. ఇక ఈ వేదికపై సుమ మాట్లాడుతూ.. ఇటీవల బిగ్బాస్ సీజన్ 7 చూశాను. అందులో కుడి ఎడమైతే పొరపాటు లేదోయ్ అన్నారు.. దానికి అర్థం ఏమిటి ?.. అంటూ నాగార్జునను అడగ్గా.. న్యూ గేమ్, న్యూ ఛాలెంజెస్, న్యూరూల్స్ అంటూ చెప్పుకొచ్చారు నాగ్. దీంతో ఈసారి బిగ్బాస్ సీజన్ 7 సరికొత్త ఉండబోతుందనే విషయం మాత్రం ప్రేక్షకులకు క్లారిటీ వచ్చేసింది.
మరిన్ని సినిమా వార్తల కోసం ఇక్కడ క్లిక్ చేయండి.
