పాన్ ఇండియా స్టార్ ప్రభాస్ నటించిన ఆదిపురుష్ సినిమా ఆశించిన స్థాయిలో ప్రేక్షకులను ఆకట్టుకోలేకపోయింది. ఈ సినిమా ప్రభాస్ అభిమానులను కూడా నిరాశపరిచింది. భారీ అంచనాల నడుమ విడుదలైన ఈ సినిమాకు బాలీవుడ్ దర్శకుడు ఓం రౌత్ దర్శకత్వం వహించారు. ఈ సినిమా రామాయణ ఇతిహాస నేపథ్యంలో తెరకెక్కిన విషయం తెలిసిందే. ఈ సినిమాలో ప్రభాస్ రాముడిగా కనిపించి మెప్పించారు. ఈ సినిమా రామాయణానికి సంబంధం లేకుండా తెరకెక్కించడంతో పలు విమర్శలు ఎదుర్కొంది ఈ సినిమా.. ప్రభాస్ కు ఉన్న క్రేజ్ తో ఈ సినిమా మంచి కలెక్షన్స్ ను సొంతం చేసుకుంది. ఆదిపురుష్ సినిమా నిరాశపరచడం తో ఇప్పుడు సలార్ సినిమా పైనే అంచనాలు పెట్టుకున్నారు డార్లింగ్ అభిమానులు.
ప్రశాంత్ నీల్ దర్శకత్వంలో ఈ సినిమా తెరకెక్కుతోన్న విషయం తెలిసిందే.. కేజీఎఫ్ సినిమాతో భారీ విజయాన్ని అందుకున్నాడు ప్రశాంత్ నీల్. కేజీఎఫ్ సినిమాను రెండు భాగాలుగా తెరకెక్కించాడు ప్రశాంత్. ఇప్పుడు సలార్ మూవీ కూడా రెండు భాగాలుగా రానుంది.
ఇప్పటికే ఈ సినిమానుంచి టీజర్ ను రిలీజ్ చేశారు. ఈ టీజర్ ప్రేక్షకులను ముఖ్యంగా ప్రభాస్ అభిమానులను విపరీతంగా ఆకట్టుకుంది. నయా రికార్డ్స్ ను క్రియేట్ చేసింది ఈ టీజర్. ఇక ఇప్పుడు ఈమూవీ నుంచి ఫస్ట్ సింగిల్ ను రిలీజ్ చేసే ముహూర్తం వచ్చేసిందని తెలుస్తోంది. శ్రుతిహాసన్ హీరోయిన్ గా నటిస్తున్న ఈ సినిమా నుంచి నెక్స్ట్ వీక్ లో రిలీజ్ చేసే అవకాశాలు ఉన్నాయని తెలుస్తోంది. మరి ఈవార్తల్లో వాస్తవమెంత అన్నది తెలియాల్సి ఉంది.
