టాలీవుడ్‌లో సక్సెస్ ఫుల్ దర్శకుల్లో అనిల్ రావిపూడి ఒకరు. అసిస్టెంట్ డైరెక్టర్ గా కెరీర్ మొదలు పెట్టి ఇప్పుడు స్టార్ దర్శకుడిగా తనకంటూ ఓ ప్రత్యేక స్థానం ఏర్పరుచుస్తున్నారు అనిల్. కళ్యాణ్ రామ్ హీరోగా నటించిన పటాస్ సినిమాతో దర్శకుడిగా మారాడు ఈ యంగ్ డైరెక్టర్. తొలి సినిమాతోనే మంచి హిట్ అందుకున్నాడు. పటాస్ సినిమా సూపర్ హిట్ అవ్వడంతో అనిల్ కు అవకాశాలు క్యూ కట్టాయి. ఆ తర్వాత ఆయన చేసిన సినిమాలన్నీ మంచి విజయాలను అందుకున్నాడు. ఇక సూపర్ స్టార్ మహేష్ బాబుతో కలిసి చేసిన సరిలేరు నీకెవ్వరు సినిమా బ్లాక్ బస్టర్ హిట్ గా నిలిచింది. ఈ సినిమా తర్వాత ఎఫ్ 3 చేసి మరో హిట్ అందుకున్నాడు అనిల్.
ఇక ఇప్పుడు నటసింహం నందమూరి బాలకృష్ణ హీరోగా భగవంత్ కేసరి అనే సినిమా చేస్తున్నాడు. ఈ సినిమా షూటింగ్ శరవేగంగా జరుగుతోంది.బాలయ్య, అనిల్ కాంబో కావడంతో ప్రేక్షకుల్లో భారీ అంచనాలు నెలకొన్నాయి. ఇక ఈ సినిమాలో కాజల్ అగర్వాల్ హీరోయిన్ గా నటిస్తుండగా.. శ్రీలీల మరో హీరోయిన్ గా నటిస్తోంది
ఇదిలా ఉంటే మరో స్టార్ హీరోతో అనిల్ రావిపూడి సినిమా చేయనున్నారని టాక్ వినిపిస్తుంది. చిరంజీవితో అనిల్ రావిపూడి సినిమా ఉంటుందని టాక్ వినిపిస్తుంది. మెగాస్టార్ ప్రస్తుతం వరుస సినిమాలను లాఇన్ఫన్ చేసిన విషయం తెలిసిందే. భోళాశంకర్ సినిమా సెట్స్ పైన ఉంది. అలాగే కళ్యాణ్ కృష్ణ దర్శకత్వంలో ఓ సినిమా చేయబోతున్నారు. వీటి తర్వాత అనిల్ తో సినిమా ఉంటుందని అంటున్నారు. మరి ఈ వార్తల్లో వాస్తవమెంత అన్నది తెలియాల్సి ఉంది.
