కోలీవుడ్ ఇండస్ట్రీలో అత్యంత భారీ ఫాలోయింగ్ ఉన్న హీరోలలో అజిత్ ఒకరు. ఎలాంటి బ్యాగ్రౌండ్ సపోర్ట్ లేకుండానే నటుడిగా సినీపరిశ్రమలోకి అడుగుపెట్టి స్టార్ డమ్ సంపాదించుకున్నారు. తమిళ్ చిత్రపరిశ్రమలో అగ్రకథానాయకుడిగా ఫేమస్ అయ్యారు. ప్రస్తుతం ఉన్న హీరోలలో అజిత్ స్టైల్ కాస్త ప్రత్యేకమనే చెప్పాలి. ఇప్పటికీ సోషల్ మీడియాకు దూరంగా ఉండడమే కాదు.. వ్యక్తిగతంగా మొబైల్ ఉపయోగించని ఏకైక హీరో. వరుసగా సినిమాలు చేస్తూ ప్రేక్షకులను అలరించడం షూటింగ్స్ నుంచి బ్రేక్ దొరికితే తనకెంతో ఇష్టమైన బైక్ రైడింగ్ చేయడం అజిత్ అలవాటు. ఇప్పటికే బైక్ పై దేశాన్ని చుట్టేసిన ఈ హీరో.. త్వరలోనే ప్రపంచాన్ని చూట్టేసేందుకు రెడీ అవుతున్నట్లుగా తెలుస్తోంది. ఇక నెట్టింట ఈహీరోకు అస్సలు ఎలాంటి ఖాతాలు లేవు. అజిత్ గురించిన సమాచారాన్ని అతని మేనేజర్ మాత్రమే పోస్ట్ చేస్తుంటాడు. తాజాగా అజిత్ న్యూలుక్ ఫోటోస్ సోషల్ మీడియాలో వైరలవుతున్నాయి.
బుధవారం అజిత్ చెన్నై విమానాశ్రయంలో కనిపించారు అజిత్. వెంటనే అక్కడున్న అభిమానులు తమ హీరోను ఫోటోస్, వీడియోస్ తీసి నెట్టింట షేర్ చేయగా.. తెగ వైరలవుతున్నాయి. అందులో అజిత్ తన లగేజీని తీసుకుని విమానంలోకి వెళ్తూ కనిపించారు. రెడ్ పోలో.. నెక్ టీ షర్ట్.. జీన్స్లో నెరిసిన జుట్టు.. చిన్నపాటి గడ్డంతో స్టైలిష్ గా కనిపిస్తున్నారు. 52ఏల్ల వయసులోనూ స్టైలీష్ లుక్లో చిరునవ్వుతో మాయ చేస్తున్నాడు అజిత్. ప్రస్తుతం ఈ కోలీవుడ్ స్టార్ హీరో లేటేస్ట్ ఫోటోస్ నెట్టింట వైరలవుతుండగా.. క్రేజీ కామెంట్స్ చేస్తున్నారు ఫ్యాన్స్.
తెగింపు సినిమా తర్వాత తన కొత్త ప్రాజెక్ట్ షూటింగ్ లో బిజీగా ఉన్నారు అజిత్. ఇటీవలే స్విట్జర్లాండ్ వెళ్లిన ఆయన..ఇప్పుడు చెన్నై తిరిగి వచ్చినట్లుగా తెలుస్తోంది. అజిత్ ప్రస్తుతం డైరెక్టర్ మగిజ్ తిరుమేని దర్శకత్వంలో ఓ సినిమా చేస్తున్నారు. ఆగస్ట్ మూడో వారంలో ఈ సినిమా రెగ్యులర్ షూటింగ్ స్టార్ట్ కానుంది. భారీ బడ్జెట్ తో ఈ సినిమాను లైకా ప్రొడక్షన్స్ నిర్మిస్తుంది. ఈ చిత్రానికి మ్యూజిక్ డైరెక్టర్ అనిరుధ్ రవిచందర్ సంగీతం అందించనున్నారు. ఈ సినిమా తర్వాత నవంబర్ నెలలో అజిత్ తన వరల్డ్ బైక్ టూర్ స్టార్ట్ చేయనున్నట్లు తెలుస్తోంది. ఏడు ఖండాల్లోని వివిధా దేశాలను ఆయన కవర్ చేయనున్నారు.
Latest Exclusive Video Of AK
The Majestic walk of #AjithKumar#VidaaMuyarchi pic.twitter.com/tHBw2Rrsaq
— AJITHKUMAR FANS CLUB (@ThalaAjith_FC) July 26, 2023
మరిన్ని సినిమా వార్తల కోసం ఇక్కడ క్లిక్ చేయండి.
