టాలీవుడ్ విలన్ అజయ్‌ తెలుగు ప్రేక్షకులకు సుపరిచితమే. ఇరవై ఎళ్లకు పైగా ఇండస్ట్రీలో కొనసాగుతోన్న అజయ్‌.. తన కెరీర్‌లో ఎన్నో సూపర్ హిట్‌ మువీల్లో ప్రతి నాయకుడు, సహాయనటుడి పాత్రలో నటించి మెప్పించారు. ‘విక్రమార్కుడు’, ‘ఆర్య-2’, ‘దూకుడు’, ‘రాజన్న’, ‘గబ్బర్‌సింగ్‌’, ‘18 పేజీస్‌’, ‘విరూపాక్ష’ వంటి చిత్రాలతో నటుడు అజయ్‌ పాపులర్ అయ్యారు. ప్రస్తుతం మధుసూదన్‌ దర్శరత్వంలో తెరకెక్కుతున్న అజయ్‌ ప్రధాన పాత్రలో ‘చక్రవ్యూహం’ మువీలో నటిస్తున్నారు. సస్పెన్స్‌, క్రైమ్‌ థ్రిల్లర్‌గా తెరకెక్కిస్తున్న ఈ మువీలో అజయ్‌ పోలీస్‌ పాత్రలో కనిపించనున్నారు. ఈ సినిమా ప్రమోషన్స్‌లో భాగంగా నటుడు అజయ్‌ తాజాగా ఓ ఇంటర్వ్యూలో మాట్లాడుతూ ఆసక్తికర విషయాలు పంచుకున్నారు.
‘విజయన్‌ దర్శకత్వంలో శ్రీహరి హీరోగా తెరకెక్కిన ఓ సినిమాలో నాది విలస్‌ పాత్ర. సెట్‌లోకి అడుగుపెట్టిక రేప్‌ సీన్‌ షూట్‌ అని నాకు చెప్పారు. సీన్‌ షూట్‌ చేస్తున్నసమయంలో ‘డోంట్ టచ్‌’ అని ఓ నటి అందరి ముందు కేకలు వేసింది. బహుశా.. అది రేప్‌ సీన్‌ షూట్‌ అని ఆమెకు చెప్పలేదనుకుంటా.. ఆమె ఒక్కసారిగా అలాఅనడంతో నాకు చాలా ఇబ్బందిగా అనిపించింది. నా కెరీర్‌లో అదొక చేదు సంఘటన. ఆ తర్వాత ఆ సీన్‌ మళ్లీ రీ రైట్‌ చేసి షూట్‌ చేశారు’ అని కెరీర్‌ పరంగా తనకు ఎదురైన ఓ చేదు సంఘటన గురించి ఆయన వెల్లడించారు.
ఆ సంఘటన తర్వాత మళ్లీ అలాంటి సీన్స్‌లో ఎప్పుడూ నటించే ప్రయత్నం చేయలేదని చెప్పుకొచ్చారు. తెరపై ఎంతో కఠవుగా కనిపించే అజయ్‌ నిజ జీవితంలో ఎంతటి సున్నిత మనస్కుడో ఈ సంఘటన బట్టి తెలుస్తోంది.
మరిన్ని సినిమా కథనాల కోసం క్లిక్‌ చేయండి.
