టాలీవుడ్ లో మరో ప్రమాదం చోటు చేసుకుంది. పుష్ప టీమ్ ప్రయాణిస్తున్న బస్సు ప్రమాదానికి గురైంది. నల్గొండ జిల్లా నార్కట్‌పల్లిలో ఈ రోడ్డు ప్రమాదం జరిగింది. పుష్ప 2 మూవీ ఆర్టిస్ట్ లు ప్రయాణిస్తున్న ఆర్టీసి బస్సును ప్రైవేట్ ట్రావెల్స్ బస్సు ఢీ కొట్టింది. ఈ ప్రమాదంలో ఏడుగురు పుష్ప-2 మూవీ ఆర్టిస్ట్‌లకు గాయాలు అయ్యాయి. భద్రాచలం నుంచి హైదరాబాద్‌కు వస్తుండగా ప్రమాదం జరిగిందని తెలుస్తోంది. ఈ ప్రమాదంలో ఎవ్వరికి ప్రాణానికి ప్రమాదం లేదని తెలుస్తోంది.
సుకుమార్ దర్శకత్వంలో అల్లు అర్జున్ నటించిన పాన్ ఇండియా మూవీ పుష్ప సినిమాకు సీక్వెల్ గా పుష్ప 2 తెరకెక్కుతోంది. ఈ సినిమా షూటింగ్ శరవేగంగా జరుగుతోంది. ఈ సినిమా కోసం పలు అడవుల్లో షూటింగ్ నిర్వహిస్తున్నారు.
పుష్ప 2 ఆర్టిస్టులకు ప్రమాదం జరగడంతో టాలీవుడ్ ఆర్టిస్టులు ఆందోళనకు గురవుతున్నారు. దీని పై అల్లు అర్జున్ ఎలా రియాక్ట్ అవుతారో చూడాలి.
