తేజ దర్శకత్వంలో వచ్చిన బ్లాక్ బస్టర్ మూవీ జయం. 2002 లో వచ్చిన ఈ సినిమా భారీ విజయం అందుకుంది. అందమైన ప్రేమ కథగా తెరకెక్కిన ఈ సినిమా మంచి విజయాన్ని అందుకుంది. ఈ సినిమాలో హీరోగా నితిన్, హీరోయిన్ గా సదా నటించిన విషయం తెలిసిందే. ఇక ఈ సినిమాలో విలన్ గా గోపీచంద్ నటించారు. గోపీచంద్ యాక్టింగ్ ఈ సినిమాకు హైలైట్ గా నిలిచింది. ఆర్. పి. పట్నాయక్ సంగీతం అందించారు. ఈ సినిమాలో పాటలన్ని సూపర్ హిట్ గా నిలిచాయి. ఈ సినిమాలోని పాటలు విపరీతమైన ప్రేక్షకాదరణ పొందాయి. తేజ ఈ సినిమాకు దర్శకత్వంతో పాటు.. కథ స్క్రీన్ ప్లే అందించడమే కాకుండా నిర్మాతగానూ వ్యవహరించారు.
అయితే ఈ సినిమాలో విలన్ గా ముందుగా గోపీచంద్ ను అనుకోలేదట. గోపీచంద్ ప్లేస్ లో మరో నటుడిని అనుకున్నారట తేజ. ఆ నటుడు ఎవరంటే.. తన విలక్షణ నటనతో ప్రేక్షకాదరణ తెచ్చుకున్న ప్రకాష్ రాజ్. జయం సినిమాను ముందుగా ప్రకాష్ రాజ్ కు వివరించారట..
అయితే ఆయన అప్పటికే బిజీ ఆర్టిస్ట్ అవ్వడంతో డేట్స్ అడ్జెస్ట్ కాకపోవడంతో.. ఆ అవకాశం గోపీచంద్ దక్కిందట. జయం సినిమా తర్వాత గోపీచంద్ క్రేజ్ మరింత పెరిగిపోయింది. ఈ సినిమా తర్వాత గోపీచంద్ కు ఫ్యాన్స్ అసౌసియేషన్ కూడా ఏర్పడ్డాయి. అలాగే ఈ సినిమాలో హీరోగా నితిన్ కంటే ముందుగా.. అల్లు అర్జున్, అల్లరి నరేష్ ను అనుకున్నారట. కానీ వారికి కథలు నచ్చకపోవడంతో నితిన్ ను హీరోగా తీసుకున్నారట తేజ.
Prakash Raj
