పాన్ ఇండియా స్టార్ ప్రభాస్ నటిస్తున్న మైథలాజికల్ మూవీ ఆదిపురుష్. బాలీవుడ్ స్టార్ డైరెక్టర్ ఓం రౌత్ దర్శకత్వంలో ఈ సినిమా తెరకెక్కుతోన్న విషయం తెలిసిందే. ఈ సినిమాపై ఇప్పటికే భారీగా అంచనాలు నెలకొన్నాయి. ఇక టీజర్తో ఎన్నో విమర్శలు ఎదుర్కొన్న ఈ చిత్రం.. ఇటీవల ట్రైలర్తో ఒక్కసారిగా హైప్ క్రియేట్ చేసింది. రాముడిగా ప్రభాస్ లుక్స్.. విజువల్ ఎఫెక్ట్స్… డైలాగ్స్ ప్రేక్షకులను కట్టిపడేశాయి. దీంతో ఆదిపురుష్ సినిమా పై మరింత హైప్ క్రియేట్ కావడమే కాకుండా.. ఈ మూవీపై అంచనాలు తారాస్థాయికి చేరిపోయాయి. ఇప్పటికే అన్ని కార్యక్రమాలు పూర్తి చేసుకున్న ఈ మూవీ జూన్ 16న తెలుగుతోపాటు.. హిందీ, తమిళం, కన్నడ, మలయాళం భాషలలో గ్రాండ్గా రిలీజ్ కానుంది. ఈ క్రమంలో కొద్ది రోజులుగా ఈ మూవీ ప్రమోషన్స్ వేగవంతం చేసింది చిత్రయూనిట్.
ఇప్పటికే ఈ సినిమానుంచి ఒక సాంగ్ ను రిలీజ్ చేసిన చిత్రయూనిట్.. తాజాగా మరో సాంగ్ ను రిలీజ్ చేసింది. సీతారాముల ప్రేమ గురించి వివరిస్తూ సాగిన ఈ పాట ప్రేక్షకులను ఆకట్టుకుంటుంది. రామ్ సీతారాం అంటూ సాగే ఈ పాటను కార్తీక్ ఆలపించారు. తెలుగు రిలిక్స్ ను రామజోగయ్య శాస్త్రి రచించారు.
సచిత్, పరంపర సంగీతం అందించిన ఈ సాంగ్ విజువల్స్ కూడా ఆకట్టుకునేలా ఉన్నాయి. ఈ చిత్రంలో బాలీవుడ్ తారలు కృతి సనన్, సైఫ్ అలీ ఖాన్, సన్నీ సింగ్ కీలకపాత్రలలో నటిస్తున్నారు. ఇక ఈ సినిమా జూన్ 16న ప్రపంచవ్యాప్తంగా రిలీజ్ కానుంది. అలాగే జూన్ 6న ఆదిపురుష్ ప్రీరిలీజ్ ఈవెంట్ గ్రాండ్ గా తిరుపతిలో జరగనుంది.
