కన్నడ స్టార్ హీరో అర్జున్ సర్జా ప్రధాన పాత్రలో నటించిన సినిమా జెంటిల్మెన్ (Gentleman) అప్పట్లో బ్లాక్ బస్టర్ హిట్ సాధించిన విషయం తెలిసిందే. 1993లో విడుదలైన ఈ మూవీ దక్షిణాది చిత్రపరిశ్రమలో సంచలనం సృష్టించింది.. ఇందులో అర్జున్తోపాటు… మధుబాల, శుభా శ్రీ ప్రధాన పాత్రలలో నటించారు. ఇప్పటికీ ఈ సినిమా మూవీ లవర్స్ ఫ్యావరెట్ మూవీనే.. జెంటిల్ మన్ సినిమాను స్టార్ ప్రొడ్యూసర్ కె.టి.కుంజుమన్ తెరకెక్కించారు. ఇక చాలా కాలం తర్వాత ఈ మూవీకి సిక్వెల్ తీస్తున్నట్లు ప్రకటించారు నిర్మాత కుంజుమన్. ఇప్పటికే ఈ సినిమా సిక్వెల్ పనులను ప్రారంభించారు. ఇందులో మలయాళం లో పాపులర్ చైల్డ్ ఆర్టిస్ట్ అయిన నయనతార చక్రవర్తి హీరోయిన్ గా నటిస్తోంది. ఈ సినిమాతో నయన్ హీరోయిన్గా పరిచయం కాబోతుంది. తాజాగా ఈ సినిమాలో మరో హీరోయిన్ ఉందంటూ అధికారికంగా ప్రకటించింది చిత్రయూనిట్.
తెలుగులో ‘గువ్వా గోరింక’ చిత్రంతో అరంగేట్రం చేసిన హీరోయిన్ ప్రియాలాల్ని మరో కథానాయికగా ఖరారు చేసినట్లు చిత్ర నిర్మాణ సంస్థ ప్రకటించింది. మ్యూజికల్ బాహుబలి ఎంఎం కీరవాణి ఈ మెగా సీక్వెల్ కి సంగీతం అందించనున్నారు. బ్లాక్ బస్టర్ హిట్ ‘జెంటిల్‌మేన్’ కి సీక్వెల్ గా రాబోతున్న ఈ చిత్రానికి సంబంధించిన మరిన్ని వివరాలు త్వరలోనే ప్రకటించనున్నారు. ఇక ఇందులో నటించబోయే హీరో ఎవరనేది ఇంకా తెలియరాలేదు. అలాగే.. దర్శకత్వం ఎవరు వహిస్తారనేది కూడా ప్రకటించలేదు. త్వరలోనే ఈ సినిమా పూర్తి వివరాలను అనౌన్స్ చేయనున్నట్లుగా తెలుస్తోంది.
ట్వీట్..
The enthusiastic @PriyaaLal will be the another lead actress in our Mega movie #Gentleman2#ஜென்டில்மேன்2 #जेंटलमेन2 #ജെന്റിൽമാൻ2 #ಜಂಟಲ್ಮನ್2 #జెంటిల్మాన్2@mmkeeravaani #GentlemanFilmInternational@ajay_64403 @johnsoncinepro @UrsVamsiShekar @PRO_SVenkatesh @Fridaymedia2 pic.twitter.com/3mHPuvQ4jz
— K.T.Kunjumon (@KT_Kunjumon) April 13, 2022
