కోలీవుడ్ స్టార్ హీరో ధనుష్కు దేశవ్యాప్తంగా ఎంతోమంది అభిమానులు ఉన్నారు. తమిళంలో అనేక హిట్ సినిమాల్లో నటించగా.. ఆత్రంగి రే సినిమాతో బాలీవుడ్ ఇండస్ట్రీలోకి అడుగుపెట్టాడు. గతేడాది సార్ సినిమాతో నేరుగా తెలుగు అడియన్స్ ముందుకు వచ్చాడు. హిందీ, తమిళం, తెలుగు భాషలలో బ్యాక్ టూ బ్యాక్ సినిమాలు చేస్తూ బిజీగా ఉంటున్నాడు. ప్రస్తుతం టాలీవుడ్ డైరెక్టర్ శేఖర్ కమ్ముల దర్శకత్వంలో కుబేర చిత్రంలో నటిస్తున్నారు. అలాగే ధనుష్ నటించిన రాయన్ సినిమా అడియన్స్ ముందుకు రాబోతుంది. ఇందులో తెలుగు హీరో సందీప్ కిషన్ కీలకపాత్రలో కనిపించనున్నారు. ఇప్పటికే షూటింగ్ కంప్లీట్ చేసుకున్న ఈ సినిమా జూలై 26న థియేటర్లలో విడుదల కానుంది. ఇప్పటికే ఈ సినిమా నుంచి విడుదలైన టీజర్, పోస్టర్స్ ఆకట్టుకున్నాయి. ఈ మూవీ ప్రమోషన్లలో భాగంగా చెన్నైలో ఆడియో లాంచ్ ఈవెంట్ నిర్వహించింది చిత్రయూనిట్. ఈ సందర్భంగా తన కెరీర్ గురించి ఆసక్తికర కామెంట్స్ చేశారు ధనుష్.
తన కెరీర్ లో ఇప్పటివరకు ఎన్నో ఇబ్బందులు ఎదుర్కొన్నట్లు తెలిపారు. వీధుల్లో పెరిగిన తాను పోయెస్ గార్డెన్ లో కోట్ల విలువ చేసే ఇంటిని కొనుగోలు చేశానని వెల్లడించారు. అంతేకాకుండా సూపర్ స్టార్ రజినీకాంత్, జయలలిత లాంటి దిగ్గజాలు ఉండే ప్రాంతంలో ఇంటిని కొన్నట్లు తెలిపారు. “నాకు 16 ఏళ్ల వయసున్నప్పుడు పోయెస్ గార్డెన్లో నా స్నేహితుడితో కలిసి రజినీకాంత్, జయలలిత ఇళ్లు చూసేందుకు వచ్చాను. అప్పుడు అక్కడున్న కొందరు రజినీకాంత్ ఇళ్లు, జయలలిత ఇల్లు అని చూపించారు. ఇంత పెద్ద ఇంటిని కొనగలనా ? అని మనసులో అనుకున్నాను. ఏదో ఒకరోజు ఈ ప్రాంతంలో కనీసం చిన్న ఇల్లు అయినా కొనాలను నిర్ణయించుకున్నాను. ” అంటూ చెప్పుకొచ్చాడు. అయితే ధనుష్ చేసిన కామెంట్స్ పై నెటిజన్స్ మండిపడుతున్నారు.
ఎందుకంటే తాను వీధుల్లో పెరిగానని ధనుష్ చెప్పాడు. కానీ ధనుష్ ఫ్యామిలీకి ఇండస్ట్రీలో మంచి గుర్తింపు ఉంది. ధనుష్ సినిమా కుటుంబానికి చెందినవాడు. ధనుష్ తండ్రి కస్తూరి రాజా తమిళ చిత్ర పరిశ్రమలో తనకంటూ ప్రత్యేక గుర్తింపు తెచ్చుకున్నారు. అలాగే ధనుష్ అన్నయ్య కూడా దర్శకుడే. దీంతో ధనుష్ కు మొదటినుంచి అవకాశాలు సులభంగానే వచ్చాయని.. కానీ ఇప్పుడేం వీధుల్లో నుంచి వచ్చానని చెప్పడం కామెడీగా ఉందంటూ విమర్శిస్తున్నారు నెటిజన్స్. ధనుష్ లాంటి నేపో పిల్లలు కష్టాల గురించి మాట్లాడతారు. మీ కుటుంబం సినీ పరిశ్రమలో ఉంది. కాబట్టి, టాలెంట్ లేకపోయినా మీకు సులభంగా అవకాశం వచ్చింది. నేను వీధిలో ఉన్నానని మీరు చెప్పారు. వీధి ఎలా ఉంటుందో తెలుసా?’ అంటూ నెటిజన్లు ట్రోల్ చేస్తున్నారు.
Its funny when a Nepo Kid like #Dhanush is talking about starting from a scratch.. Like, damm your family has a cinema background and you access it easily with no talents at all during your first few movies.. And you talk about being in streets? Do you know what is streets?
— BlastingTamilCinema (@BLSTG) July 24, 2024
మరిన్ని సినిమా వార్తల కోసం ఇక్కడ క్లిక్ చేయండి.