-
నటి సమంత ప్రస్తుతం సినిమాలకు కాస్త విరామం ఇచ్చింది. విజయ్‌ దేవరకొండతో కలిసి ఖుషి సినిమాలో నటించిన సామ్‌ ఆ తర్వాత కొత్త సినిమాలేవీ అంగీకరించలేదు. అయితే హిందీలో వరుణ్‌ ధావన్‌తో కలిసి సిటాడెల్‌ అనే ఓ వెబ్ సిరీస్‌లో నటిస్తోంది. త్వరలోనే ఈ సిరీస్‌ రిలీజ్‌ కానుంది.
-
సినిమాలకు దూరంగా ఉన్నప్పటికీ సోషల్‌ మీడియాలో ఫుల్‌ యాక్టివ్‌ గా ఉంటోంది సమంత. తరచుగా తన ఫొటోలు, వీడియోలను తన సినిమా విశేషాలను అందులో పంచుకుంటూ ఉంటుంది.
-
ఇదిలా ఉంటే వెండితెరకు దూరంగా ఉన్న సమంత సడెన్‌గా ఓ టీవీ షోలో ప్రత్యక్షమై అభిమానులకు సర్‌ ప్రైజ్‌ ఇచ్చింది. అయితే నటిగా కాదు గెస్ట్‌గా ఓ టీవీ రియాలిటీ షో కనిపించిందీ అందాల తార.
-
ప్రముఖ ర్యాప్/హిప్-హాప్ రియాలిటీ షో MTVలో సందడి చేసింది సమంత. జడ్జి స్టార్‌ సింగర్‌ హనీ సింగ్‌తో కలిసి వేదికను పంచుకుంది. హైదరాబాద్‌కు చెందిన రాపర్లు కూడా ఈ షోలో పాల్గొన్నారు.
-
రియాలిటీ షోలో పాల్గొన్న ఫోటోలను సమంత ఇన్‌స్టాగ్రామ్‌లో షేర్ చేసింది. ఇందులో డెనిమ్‌ జీన్స్ వేసుకుని సమంత చాలా ట్రెండీగా కనిపిస్తోంది. ప్రస్తుతం ఈ ఫొటోలు సామాజిక మాధ్యమాల్లో వైరల్‌గా మారాయి.
