-
పుష్ప సినిమాతో పాన్ ఇండియా హీరోయిన్గా మారిపోయింది రష్మిక మందన్నా. దక్షిణాదితో పాటు బాలీవుడ్ సినిమాల్లో నటిస్తూ బిజీబిజీగా ఉంటోందీ అందాల తార. కాగా హిందీలో రష్మిక నటిస్తోన్న మోస్ట్ అవైటెడ్ మూవీ యానిమల్. ఇందులో బాలీవుడ్ చాక్లెట్ బాయ్ రణ్బీర్ కపూర్గా నటిస్తున్నాడు.
-
అర్జున్ రెడ్డితో ఒక్కసారిగా క్రేజీ డైరెక్టర్ల లిస్టులో చేరిపోయిన సందీప్ వంగా యానిమల సినిమాను తెరకెక్కిస్తున్నారు. ఈ సినిమాపై ఇప్పటికే అంచనాలు భారీగా ఉన్నాయి. కొన్ని రోజుల క్రితం రిలీజైన యానిమల్ టీజర్ ఓ చిన్నపాటి సెన్సేషన్ను క్రియేట్ చేసింది.
-
తాజాగా యానిమల్ సినిమాలో రష్మిక మందన్న పాత్రను పరిచయం చేస్తూ పోస్టర్ను విడుదల చేశారు. ఈ పోస్టర్ అందరి దృష్టిని ఆకర్షిస్తోంది. కాగా రష్మిక మందన్న గ్లామర్ పాత్రలతో మంచి గుర్తింపు తెచ్చుకుంది. అయితే ఇప్పుడు ఆమె 'యానిమల్' సినిమాలో గృహిణి పాత్రలో నటిస్తున్నట్లు సమాచారం.
-
ఇప్పుడు విడుదల చేసిన యానిమల్ పోస్టర్లో కూడా ఇది స్పష్టమైంది. 'ఇందులో రష్మిక మందన్న చీర కట్టులో కనిపించింది. మెడలో తాళి కూడా ఉంది. సినిమాలో ఆమె పాత్ర పేరు గీతాంజలి అని తెలుస్తోంది. ఈ పోస్టర్ను ఇన్స్టాగ్రామ్లో షేర్ చేసిన రష్మిక 'మీ గీతాంజలి’ అని క్యాప్షన్ ఇచ్చింది
-
. ప్రస్తుతం యానిమల్ లో రష్మిక పోస్టర్ వైరల్గా మారింది. ఈ యాక్షన్ డ్రామాలో సినిమాలో రష్మిక రోల్ అన్నది ఆసక్తిగా మారింది. ఇప్పటికే చాలా భాగం షూటింగ్ పూర్తి చేసుకున్న యానిమల్ సినిమా డిసెంబర్ 1న విడుదల కానుంది. ఇటీవల అనిల్ కపూర్ క్యారెక్టర్ ఇంట్రడక్షన్ పోస్టర్ అందరి దృష్టిని ఆకర్షించింది.