ఆర్ఆర్ఆర్ సినిమాతో ప్రపంచవ్యాప్తంగా యంగ్ టైగర్ క్రేజ్ ఒక్కసారిగా మారిపోయింది. ఈ మూవీతో విదేశాల్లో ఎన్టీఆర్ ఫాలోయింగ్ మరింత పెరిగింది. దీంతో ఆయన నెక్ట్స్ మూవీస్ కోసం వరల్డ్ వైడ్ గా ఫ్యాన్స్ వెయిట్ చేస్తున్నారు. ప్రస్తుతం తారక్ దేవర చిత్రంలో నటిస్తోన్న సంగతి తెలిసిందే. మాస్ డైరెక్టర్ కొరటాల శివ ఈ సినిమాకు దర్శకత్వం వహిస్తున్నారు. ప్రస్తుతం శరవేగంగా షూటింగ్ జరుపుకుంటున్న ఈ సినిమాలో బాలీవుడ్ బ్యూటీ జాన్వీ కపూర్ హీరోయిన్ గా నటిస్తుండగా.. సైఫ్ అలీ ఖాన్ కీలకపాత్ర పోషిస్తున్నారు. ఇటు తెలుగులోనే కాకుండా.. అటు బాలీవుడ్ ఎంట్రీ కూడా ఇవ్వబోతున్నారు తారక్. బీటౌన్ లో అత్యంత ప్రతిష్టాత్మకంగా తెరకెక్కనున్న వార్ 2 చిత్రంలో తారక్ కీలకపాత్ర పోషించనున్నారు.
అయితే దీనిపై ఇప్పటివరకు ఎలాంటి అధికారిక ప్రకటన రాలేదు. కానీ తారక్ బర్త్ డే సందర్భంగా విషెస్ తెలుపుతూ వార్ 2 ప్రాజెక్ట్ అప్డేట్ రివీల్ చేశారు హీరో హృతిక్ రోషన్. నీకోసం యుద్ధ భూమిలో ఎదురుచూస్తానంటూ ట్వీట్ చేశారు. అయితే హృతిక్, ఎన్టీఆర్ కాంబోను బిక్ స్క్రీన్ పై చూసేందుకు ఫ్యాన్స్ ఎంతో ఆసక్తిగా ఎదురుచూస్తున్నారు. ఇదిలా ఉంటే.. ఇప్పుడు ఇండస్ట్రీలో మరో ఆసక్తికర విషయం చక్కర్లు కొడుతుంది. తాజా సమాచారం ప్రకారం వార్ 2 మాత్రమే కాకుండా తారక్ మరో ప్రాజెక్టులోనూ భాగమవుతున్నారట. అదే టైగర్ 3.
సల్మాన్ ఖాన్ నటిస్తోన్న ‘టైగర్ 3’లో తారక్ కనిపించవచ్చని టాక్ వినిపిస్తోంది. అవును, మీరు ఇది నిజమే3. ‘టైగర్ 3’ని అత్యంత విజయవంతమైన చిత్రాలలో ఒకటిగా చేయడానికి, ఒకే చిత్రంలో ఈ ఇద్దరు సూపర్‌స్టార్‌లతో ప్రేక్షకులను అలరించడానికి మేకర్స్ ప్లాన్ చేస్తున్నారు. ఇటు సౌత్ ప్రేక్షకులను మెప్పించేందుకు వార్ 2 నుండి ఎన్టీఆర్ ఫస్ట్ లుక్ త్వరలోనే రిలీజ్ చేయనున్నారట.
View this post on Instagram
ఇటీవల విడుదలైన ‘కిసీ కి భాయ్ కిసీ కి జాన్’లో సల్మాన్ ఖాన్ తో వెంకటేష్ స్క్రీన్ షేర్ చేసుకున్నారు. ఇక అదే చిత్రంలో ఒక పాటలో రామ్ చరణ్ స్పెషల్ అప్పియరెన్స్ కూడా చూశాం. సల్మాన్ ఖాన్ మరియు ఎన్టీఆర్ కాంబో సినిమా ఆసక్తికరంగా, ఆకర్షణీయంగా ఉంటుందని భావిస్తున్నారు. టైగర్ 3 నవంబర్ 10 న దీపావళి సందర్భంగా విడుదల కానుంది. మనీష్ శర్మ దర్శకత్వం వహించిన ఈ చిత్రంలో కత్రినా కైఫ్, ఇమ్రాన్ హష్మీ కూడా ముఖ్యమైన పాత్రల్లో నటిస్తున్నారు.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
