పై ఫొటోలో ముఖానికి మాస్కు వేస్కోని కనిపిస్తోన్న ఈ స్టార్ నటుడిని గుర్తుపట్టారా? గతంలో ఆయన హ్యాండ్సమ్ హీరో. అమ్మాయిల కలల రాకుమారుడు. ముఖ్యంగా ఫ్యామిలీ ఆడియెన్స్‌కు ఫేవరెట్‌ హీరో. ఓ ప్రముఖ నిర్మాత వారసుడిగా సినిమా ఇండస్ట్రీలోకి అడుగుపెట్టారాయన. కెరీర్‌ ఆరంభంలో మంచి సినిమాలే చేసినా హీరోగా పెద్దగా సక్సెస్‌ కాలేకపోయారు. అయితే పట్టువదలని విక్రమార్కుడిలా ప్రయత్నించి విజయాలు అందుకున్నారు.. ఓవైపు ఫ్యామిలీ హీరోగా గుర్తింపు తెచ్చుకుంటూనే.. యాక్షన్‌ మూవీస్‌తోనూ అదరగొట్టారు. హ్యాండ్సమ్ హీరోగా టాలీవుడ్‌లో తనకంటూ ఓ ట్రేడ్‌ మార్క్‌ క్రియేట్‌ చేసుకున్న ఆయన ఇప్పుడు సెకెండ్‌ ఇన్నింగ్స్‌లోనూ రాణిస్తున్నారు. స్టైలిష్ విలన్‌గా అభిమానులను అలరిస్తున్నారు. కేవలం విలన్‌గానే కాదు ఫాదర్‌, బ్రదర్‌.. ఇలా ఏ స్పెషల్‌ రోల్స్‌లోనైనా ఇట్టే ఇమిడిపోతున్నారు. ప్రస్తుతం టాలీవుడ్‌లో వరుసగా సినిమాలు చేస్తోన్న ఈ స్టైలిష్ యాక్టర్‌ను గుర్తుపట్టారా మరి? కష్టంగా ఉందా? అయితే ఒక క్లూ.. బాలకృష్ణ నటించిన ఓ సూపర్‌ హిట్‌ సినిమాతో విలన్‌గా అరంగేట్రం చేశారాయన. ఈపాటికే చాలామందికి సమాధానం దొరికే ఉంటుంది. యస్‌.. ఆయన మరెవరో కాదు వెర్సటైల్‌ యాక్టర్‌ జగపతిబాబు. ప్రస్తుతం సినిమాలతో పాటు సోషల్‌ మీడియాలోనూ యాక్టివ్‌గా మారిపోరాయన. తరచూ ఏదో ఒక పోస్ట్ పెడుతూ ఫ్యాన్స్‌ను ఆకట్టుకుంటున్నారు. అలా తాజాగా జగ్గూ భాయ్ షేర్‌ చేసిన ఒక పోస్ట్ నెట్టింట వైరల్‌గా మారింది.
గతంలో ఇన్‌స్టాగ్రామ్‌లో ఓ పింక్ డ్రెస్‌లో ఉన్న ఫొటోను ఫ్యాన్స్‌తో షేర్‌ చేసుకున్నారు జగపతిబాబు. దీంతో అభిమానులు క్రేజీ కామెంట్లు పెట్టారు. మీ వయసు ఎంత పెరిగినా మీరు ఇంకా కుర్రాడిలాగే కనిపిస్తున్నారంటూ పోస్టులు పెట్టారు. ఇప్పుడు దీనిని నిజం చేద్దామని రెడీ అయ్యారీ స్టైలిష్ యాక్టర్‌. మొహానికి మేకప్‌ వేసుకున్నారు. అనంతరం టిష్యూ పేపపర్‌ను ముఖంపై ఉంచుకుని ఫన్నీగా కనిపించారు. ఈ ఫొటోలను ఇన్‌స్టాగ్రామ్‌లో షేర్‌ చేసిన జగ్గూభాయ్‌..’ఇంతకు ముందు ఇన్‌స్టాగ్రామ్‌లో పింక్ డ్రెస్‌లో ఉన్న ఫొటోను చూసి నన్ను కుర్రాడి లాగా ఉన్నారని మీరందరూ కాంప్లిమెంట్స్‌ ఇచ్చారు. అందుకే యెచ్చులు ఎక్కవైపోయాయి. నిజంగానే కుర్రాడిలా మారిపోదామని నా ముఖాన్ని రెడీ చేస్తున్నా’ అని రాసుకొచ్చారు. ప్రస్తుతం ఈ పోస్ట్ నెట్టింట వైరల్‌గా మారింది. దీనిని చూసిన ఫ్యాన్స్, నెటిజన్లు క్రేజీగా స్పందిస్తున్నారు. ‘సో.. హ్యాండ్సమ్ సార్‌’ అంటూ కామెంట్లు పెడుతున్నారు.
జగ్గూ భాయ్ ఇన్ స్టా గ్రామ్ పోస్ట్..
View this post on Instagram
కుర్రాడిలా మారిపోతోన్న జగపతిబాబు..
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
