ఒడిశాలో జరిగిన కోరమాండల్ ఎక్స్‌ప్రెస్ రైలు ప్రమాదం పెను విషాదాన్ని మిగిల్చింది. ఆ ఘటనలో 278 మంది ప్రాణాలు కోల్పోగా.. దాదాపు 900 మంది గాయపడినట్లు రైల్వే అధికారులు తెలిపారు. ఈ ఘోర ట్రైన్ యాక్సిడెంట్ యావత్ దేశాన్ని వణికించింది. ఈ ప్రమాదంలో చనిపోయిన వారి మృతదేహాల కోసం కుటుంబసభ్యులు ఎదురుచూస్తుండగా.. మరోవైపు పలు ఆసుపత్రులలో క్షతగాత్రులకు చికిత్స అందిస్తున్నారు. ఈ ప్రమాదం నుంచి బయటపడి ఇంటికి చేరుకున్న ప్రయాణికులు ప్రమాద ఘటనను గుర్తుచేసుకుంటూ భయాందోళనకు గురవుతున్నారు. ఇప్పటివరకు దేశంలో జరిగిన అతి పెద్ద ప్రమాదలలో ఈ కోరమాండల్ ఎక్స్‌ప్రెస్ రైలు ప్రమాదం ఒకటి. అయితే ఘటనను 20 ఏళ్ల క్రితం విడుదలైన శివమ్ చిత్రంలో చూపించారు. కమల్ హాసన్, ఆర్.మాధవన్ కలిసి నటించిన ఈ మూవీలో ఘోర రైలు ప్రమాదానికి సంబంధించిన సీన్.. ఇప్పుడు జరిగిన కోరమాండల్ ట్రైన్ యాక్సిడెంట్ విజువల్స్ సేమ్ ఉన్నాయి.
ఒడిశాలో మూడు రైళ్లు ఢీకొన్న ఘోర రైలు ప్రమాదం యావత్ భారతదేశాన్ని తీవ్ర దిగ్భ్రాంతికి గురి చేసింది. కోల్‌కతా నుంచి చెన్నై వెళ్తున్న కోరమాండల్ ఎక్స్‌ప్రెస్ ఓడిశాలోని బాలాసోర్ సమీపంలో మరో లైన్‌లో ఉన్న గూడ్స్ రైలు ఢీకొని పట్టాలు తప్పింది. ఆ తర్వాత కొద్దిసేపటికే హౌరా రైలు బోగిలను ఢీకొని ప్రమాదానికి గురైంది. ప్రస్తుతం ప్రమాద స్థలం నుంచి రైలు కోచ్‌లను తొలగించి ట్రాక్‌ మరమ్మతు పనులు వేగంగా జరుగుతున్నాయి. రైల్వే బోర్డు కూడా ఈ ప్రమాదంపై సీబీఐ విచారణకు ఆదేశించింది. అయితే ఈ ప్రమాదం.. గతంలో వచ్చిన శివమ్ సినిమాలోని రైలు ప్రమాదం వీడియోలను సోషల్ మీడియాలో షేర్ చేస్తున్నారు నెటిజన్స్.
ఇప్పుడు జరిగిన కోరమాండల్ ఎక్స్‌ప్రెస్ రైలు ప్రమాదం 20 సంవత్సరాల క్రితం విడుదలైన శివమ్ చిత్రంలో ఉన్న సీన్ సేమ్ టూ సేమ్ అని అంటున్నారు. ఆ చిత్రంలో కూడా కోరమాండల్ ఎక్స్‌ప్రెస్ పట్టాలు తప్పడంతో ప్రమాదానికి గురైందని చెప్పడం చూడొచ్చు. అలాగే ఈ సన్నివేశంలో కూడా సేమ్ టూ సేమ్ ఇప్పుడు ప్రమాదం జరిగిన బోగీల మాదిరిగానే చెల్లచెదురుగా పడిపోగా.. వందల సంఖ్యలో ప్రాణాలు కోల్పోయారు. ఇప్పుడు ఈ రెండు వీడియోలను పోల్చి షేర్ చేస్తున్నారు. ఇక ఇప్పుడు ఈ రైలు ప్రమాదంలో పలువురు తీవ్రంగా గాయపడి ఆస్పత్రిలో చేరారు. రక్తం ఎక్కువగా అవసరం కావడంతో ఆ ప్రాంతానికి చెందిన పలువురు యువకులు ఆస్పత్రికి చేరుకుని రక్తదానం చేశారు. ఈ సంఘటన అన్బే శివం చిత్రంలో కూడా చిత్రీకరించారు.
Coincidence or what ? #anbesivam 2003 #OdishaTrainAccident #KamalHaasan𓃵 #kamalism #KamalHaasan pic.twitter.com/2o7SgNRJEh
— SatHya (@sathyasmart96) June 3, 2023
మరిన్ని సినిమా వార్తల కోసం ఇక్కడ క్లిక్ చేయండి.
