సూపర్ స్టార్ రజినీకాంత్.. ఈ పేరు తెలియని సినీ ప్రియులు ఉండరు. సాధారణ కండెక్టర్ నుంచి.. సౌత్ ఇండస్ట్రీలో స్టార్ హీరోగా తనకంటూ గుర్తింపు సంపాదించుకున్నాడు. బ్యాక్ టూ బ్యాక్ సినిమాలతో అలరించిన సూపర్ స్టార్.. కొన్ని రోజులు గ్యాప్ తీసుకుని జైలర్ సినిమాతో మరోసారి అడియన్స్ ముందుకు వచ్చాడు. ఈ సినిమా బాక్సాఫీస్ వద్ద భారీ విజయాన్ని అందుకుంది. గత ఆగస్టులో విడుదలైన ఈ సినిమా దాదాపు రూ.700 కోట్లు వసూలు చేసింది. ఆ తర్వాత వరుసగా సినిమాల్లో నటించేందుకు కమిట్ అయ్యాడు రజనీ. ప్రస్తుతం జై భీమ్ ఫేమ్ జ్ఞానవేల్ దర్శకత్వంలో తలైవా 170 చిత్రంలో నటిస్తున్నారు. జై భీమ్ సినిమాలాగే ఈ సినిమా కూడా యదార్థ సంఘటన ఆధారంగా రూపొందుతున్నట్లు వార్తలు వస్తున్నాయి. శరవేగంగా సాగుతున్న ఈ సినిమా షూటింగ్ జనవరి నెలాఖరుకు పూర్తి చేసి ఏప్రిల్ లేదా మేలో సినిమాను విడుదల చేయనున్నారు. దీని తర్వాత రజనీకాంత్ లోకేష్ కనగరాజ్ దర్శకత్వంలో తలైవా 171 చిత్రంలో నటించనున్నారు. అభిమానులు ఎంతగానో ఎదురుచూస్తున్న ఈ చిత్రం మార్చిలో షూటింగ్‌ను ప్రారంభించి, వచ్చే ఏడాది దీపావళి సందర్భంగా చిత్రాన్ని విడుదల చేయాలని భావిస్తున్నారు మేకర్స్.
ఇదిలా ఉంటే.. ఇటీవలే తన కూతురు ఐశ్వర్య తెరకెక్కించిన లాల్ సలామ్ చిత్రంలో రజినీ ప్రత్యేక పాత్రలో కనిపించారు. వచ్చే ఏడాది జనవరిలో ఈ సినిమా విడుదల కానుంది. అంటే వచ్చే ఏడాది మొత్తం తలైవా నటించిన మూడు సినిమాలు విడుదల కానున్నాయి. దీంతో సూపర్ స్టార్ అభిమానులు సంతోషం చేస్తున్నారు. ఈరోజు (డిసెంబర్ 12న ) రజినీ పుట్టినరోజు. ఈ సందర్భంగా ఆయనకు సోషల్ మీడియా వేదికగా బర్త్ డే విషెస్ తెలుపుతున్నారు సినీ ప్రముఖులు, అభిమానులు. అయితే ఈ క్రమంలోని ఫ్యాన్స్కు భారీ సర్ ప్రైజ్ రానున్నట్లు తెలుస్తోంది. రజినీ బర్త్ డే స్పెషల్ గా రజనీకాంత్ 170 సినిమా టైటిల్, ఫస్ట్ లుక్ విడుదల చేయనున్నట్టు వార్తలు వినిపిస్తున్నాడు. ఈ సినిమాకు వేదతియాన్ అనే టైటిల్ పెట్టబోతున్నట్లు ఇప్పటికే వార్తలు వచ్చాయి. ఈ నేపథ్యంలో తలైవా పుట్టినరోజు సందర్భంగా ఈ సినిమా టైటిల్, ఫస్ట్ లుక్‌ని విడుదల చేయనున్నారనే టాక్ విని అభిమానులు సంతోషం వ్యక్తం చేస్తున్నారు. అలాగే ఈ సందర్భంలో, లాల్ సలామ్ టీమ్ నుండి ఏదైనా అప్‌డేట్‌ రిలీజ్ చేస్తారేమో చూడాలి.
ఇప్పటివరకు తలైవా 170 చిత్రీకరణ తిరువనంతపురం, తిరునెల్వేలి, ముంబైతో సహా పలు ప్రాంతాల్లో చిత్రీకరణ జరిగింది. ఈ సినిమా బాలీవుడ్ లెజెండ్ అమితాబ్ బచ్చన్, రానా దగ్గుబాటి, ఫహద్ ఫాసిల్, రితికా సింగ్, మంజు వారియర్ కీలకపాత్రలలో నటిస్తున్నారు. రజినీ పుట్టినరోజు సందర్భంగా ఈరోజు సాయంత్రం తలైవా 170 టైటిల్ సాయంత్రం 5 గంటలకు రానుంది.
మరిన్ని సినిమా వార్తల కోసం ఇక్కడ క్లిక్ చేయండి.
