బిగ్ బాస్ సీజన్ 7 చివరి దశకు వచ్చేసింది. చివరి వీక్ మొత్తం ఎమోషనల్ గా సాగేలా ప్లాన్ చేశారు బిగ్ బాస్. ఈ క్రమంలోనే ఒకొక్కరిని పిలిచి వారి జర్నీని చూపించారు. శివాజీ, అర్జున్, అమర్ దీప్, ప్రియంకాల జర్నీ చూపించి ఎమోషనల్ అయ్యేలా చేసిన బిగ్ బాస్. నిన్నటి ఎపిసోడ్ లో యావర్ జర్నీని చూపించాడు. దెబ్బకు యావర్ ఎమోషనల్ అయ్యి కన్నీళ్లు పెట్టుకున్నాడు. మీరే నా అమ్మ అంటూ ఏడ్చేశాడు యావర్. నిజానికి యావర్ ఈ స్థానానికి వస్తాడని ఎవరు అనుకోలేదు. మహా అయితే మూడు వారాలు ఉంటాడు ఆ తర్వాత బ్యాగ్ సర్దేసుకుంటారు అనుకున్నారు అందరు. కానీ తన ఆట తీరుతో ప్రేక్షకులను మెప్పిస్తూ ఫైనలిస్ట్ గా నిలిచాడు. ఇక బిగ్ బాస్ హౌస్ లో తన జర్నీ చూసుకొని ఎమోషనల్ అయ్యాడు.
లాన్ లోకి యావర్ ను రమ్మని పిలిచాడు బిగ్ బాస్. అక్కడ ఉన్న తన మెమొరీస్, స్వీట్ మూమెంట్స్ చూసి ఆనందపడ్డారు యావర్. ఆతర్వాత తన సోదరుడి ఫోటో చూసి కన్నీళ్లు పెట్టుకున్నాడు. ఆతర్వాత యాక్టివిటీ రూమ్ కు రమ్మన్నాడు బిగ్ బాస్. యాక్టివిటీ రూమ్ లో బిగ్ బాస్ యావర్ ను తెగ పొగిడేశాడు. బిగ్ బాస్ మాటలకూ యావర్ తెగ సంబరపడ్డాడు.
బిగ్ బాస్ యావర్ గురించి మాట్లాడుతూ.. ” ప్రజల ప్రేమను పొందాలనే కోరికతో పరిచయం లేని మనుషుల మధ్య.. భాష రాకపోయినా మీలోని భావాలను అందరితో పంచుకొని యావర్ ఎవరో ఈ ప్రపంచానికి చూపించాలనే లక్ష్యంతో ఈ ఇంట్లోకి అడుగుపెట్టారు. మీరు ఒక విషయాన్ని ఇష్టపడితే దాని కోసం ఎంత కష్టమైనా పడతారని అందరికీ తెలిసింది. యావర్‌తో పోటీ అంటే అందరూ ఆలోచించేలా చేశారు అని అన్నాడు బిగ్ బాస్ అలాగే హౌస్ లోకి వచ్చిన ఆరో వారంలోనే బిగ్‌బాస్ ఇంటి కెప్టెన్‌గా నిలాచారు అని అన్నాడు. అమూల్యమైన స్నేహం కూడా దొరికింది అన్నాడు. ఎవరైనా సరే నిలదీసే ధైర్యాన్ని చూపించారు. అదే ధైర్యం మీరు ఎవిక్ష్ పాస్‌ని సాధించేలా చేసింది. మీకు తెలుగు నేర్పుతూ మిగతావారు మర్చిపోయే పరిస్థితి వచ్చినా ఇప్పటికైనా మీ తెలుగు బాగుపడిందని మీ రోటీల సాక్షిగా బిగ్‌బాస్ నమ్ముతున్నారు అంటూ బిగ్ బాస్ చెప్తుంటే యావర్ కన్నీళ్లు పెట్టుకున్నాడు. ఆతర్వాత యావర్ మాట్లాడుతూ.. అందరునాకు కోపం ఎక్కువ అంటుంటారు. నాలో చాలా కోపం ఉందని అంటుంటారు.. కానీ నాలో చరిత్ర సృష్టించే దమ్ము ఉంది.. థాంక్యూ బిగ్‌బాస్. నేను ఎవరు బిగ్ బాస్.. నేను ఒక నథింగ్ నన్ను సంథింగ్ చేసింది బిగ్ బాస్. నేను హైదరాబాద్ బిడ్డ కాదు, కోల్‌కత్తా బిడ్డ కాదు.. నేను మీ బిడ్డను.. నా అమ్మ మీరే.. నా రెండో అమ్మ .. అంటూ అందరిని ఎమోషనల్ అయ్యేలా చేశాడు యావర్.
