పైన ఫోటోలో కనిపిస్తోన్న ఈ కుర్రాడు బాలీవుడ్ స్టార్ హీరో. ఎలాంటి బ్యాగ్రౌండ్ లేకుండానే ఇండస్ట్రీలోకి నటుడిగా అడుగుపెట్టి ఇప్పుడు స్టార్ హీరోయిగా పాన్ ఇండియా స్థాయిలో గుర్తింపు సంపాదించుకున్నారు. ఈ కుర్రాడి పుట్టినరోజు నేడు. ఈ సందర్భంగా ఆయనకు సోషల్ మీడియా వేదికగా సినీ ప్రముఖులు బర్త్ డే విషెస్ తెలుపుతున్నారు. 9 సెప్టెంబర్ 1967లో జన్మించారు. హిందీలో దాదాపు 100 పైగా సినిమాల్లో నటించి అలరించారు. రెండుసార్లు ఫిలిం ఫేర్ పురస్కారం అందుకున్నారు. లవ్, మాస్ యాక్షన్ స్టోరీస్ కాకుండా విభిన్న చిత్రాల్లో నటిస్తున్నారు. గుర్తుపట్టరా ?. అతనే బాలీవుడ్ హీరో అక్షయ్ కుమార్. ఆయన అసలు పేరు రాజీవ్ హరి ఓం భాటియా. కెనడా ప్రవాస భారతీయుడైన అక్షయ్ 1990లో భారతీయ సినీపరిశ్రమలో నటుడిగా తన ప్రయాణం మొదలు పెట్టారు. వక్త్ హమారా హై సినిమాతో 1993లో వెండితెరకు పరిచయమయ్యారు. ఆ తర్వాత మెహ్రా, ఎలాన్, సుహాగ్, సపూట్, జాన్వర్ చిత్రాల్లో నటించి గుర్తింపు తెచ్చుకున్నారు. అక్షయ్ రొమాంటిక్, కామెడీ చిత్రాలకు కేరాఫ్ అడ్రస్ గా నిలిచారు.
హిందీ సినీ పరిశ్రమలో అత్యధిక హిట్స్ అందుకున్న హీరోగా నిలిచారు అక్షయ్.. అక్షయ్ నటించిన భూల్ భులయ్యా, హౌస్ ఫుల్ 2, రౌడీ రాథోడ్ చిత్రాలు బాక్సాఫీస్ వద్ద భారీగా వసూళ్లు రాబట్టాయి. హాలిడే, ఓమైగాడ్, ఎయిర్ లిఫ్ట్ సినిమాలతో సినీ విమర్శకుల ప్రశంసలు అందుకున్నారు అక్షయ్. అయితే ఒకప్పుడు బ్యాక్ టూ బ్యాక్ హిట్స్ అందుకున్న ఈ హీరో.. ఇప్పుడు చాలా రోజులుగా సరైన హిట్ కోసం ఎదురుచూస్తున్నారు. ఇండియన్ బాక్సాఫీస్ వద్ద అత్యథిక బ్లాక్ బస్టర్స్ హిట్స్ అందుకున్న హీరోగా నిలిచారు అక్షయ్. ఇటీవలే ఓమైగాడ్ 2, సెల్ఫీ చిత్రాల్లో నటించారు అక్షయ్.
View this post on Instagram
ఇక వ్యక్తిగత జీవితానికి వస్తే.. ప్రముఖ బాలీవుడ్ నటులు రాజేష్ ఖన్నా, డింపుల్ కపాడియాల కుమార్తె హీరోయిన్ ట్వింకిల్ ఖన్నాను 2001న వివాహం చేసుకున్నారు. వీరికి కుమారుడు ఆరవ్, కుమార్తె నేత్ర ఉన్నారు.
View this post on Instagram
ఇదిలా ఉంటే.. అక్షయ్ కుమార్ బర్త్ డే సందర్భంగా ఆయన నటిస్తోన్న తాజా చిత్రం మిషన్ రాణిగంజ్ చిత్రం టీజర్ రిలీజ్ చేశారు. ఈ సినిమాకు ది గ్రేట్ భారత్ రెస్క్యూ ట్యాగ్ లైన్ ఇచ్చారు. ఇందులో పరిణీతి చోప్రా కథానాయికగా నటిస్తుంది. టిను సురేష్ దేశాయ్ దర్శకత్వం వహిస్తున్న ఈ సినిమాపై మంచి బజ్ ఏర్పడింది. తాజాగా విడుదలైన మిషన్ రాణిగంజ్ టీజర్ ఆకట్టుకుంటుంది. 1989 నవంబర్ 13న రాణిగంజ్ అనే మైనింగ్ ఏరియాలో జరిగిన ప్రమాదం బ్యాక్ డ్రాప్ లో ఈ సినిమాను తెరకెక్కిస్తున్నారు.
మరిన్ని సినిమా వార్తల కోసం ఇక్కడ క్లిక్ చేయండి.
