సినిమా ఇండస్ట్రీలో స్వయంకృషితో ఎదిగిన అతి కొద్ది మంది వారిలో రాఘవ లారెన్స్ ఒకరు. ఒక సైడ్‌ డ్యాన్సర్‌గా కెరీర్‌ ఆరంభించిన అతను హీరోగా, డ్యాన్స్‌ మాస్టర్‌గా, కొరియోగ్రాఫర్‌గా, దర్శకుడిగా, నిర్మాతగా, సింగర్‌గా రాణిస్తున్నాడు. మల్టీ ట్యాలెంటెడ్‌ పర్సన్‌గా గుర్తింపు తెచ్చుకుంటున్నారు. వీటన్నిటికీ మించి లారెన్స్ చేస్తున్న సహాయ కార్యక్రమాలు అతనికి ఎంతోమంది అభిమానులను తెచ్చిపెట్టాయి. ఆపదలో ఉన్నవారిని ఆదుకోవడానికి ఆయన ఎప్పుడూ ముందుంటారు. ఇటీవల తన ట్రస్టుకు డబ్బులు పంపొద్దంటూ, వాటిని డబ్బుల్లేక ఇబ్బందులు పడే ట్రస్టులకు ఇవ్వాలని సూచించారు రాఘవ లారెన్స్. తాజాగా మరోసారి తన మంచి మనసును చాటుకున్నారీ రియల్‌ హీరో. పేదల కోసం మరో మంచి పనికి శ్రీకారం చుట్టారు. దీనికి సంబంధించి ఒక వీడియోను సోషల్‌ మీడియాలో షేర్ చేశారాయన. ‘ స్వయంగా ఆపదలో ఉన్నవారి ఇంటికి వెళ్లి వారి కష్టాలను సేవ చేయడం ఎంతో సంతోషం. నా ప్రజలకు సేవ చేయడం కోసం ఆ దేవుడు నన్ను ఎంచుకున్నందుకు నేను చాలా అదృష్టవంతుడిని. ఇందుకోసం మీ ఆశీస్సులు కావాలి’ అని ట్విట్టర్ లో రాసుకొచ్చాడు రాఘవ లారెన్స్.
ఈ వీడియోలో ఆర్థిక సమస్యలతో కొట్టుమిట్టాడుతోన్న పేదలు, పేద విద్యార్థుల ఇంటికి వెళ్లాడు లారెన్స్. వారి స్థితిగతులను తెలుసుకుని భరోసా ఇచ్చాడు. ఇల్లు కట్టుకోవడానికి, పిల్లలు చదువుకోవడానికి, జీవనం సాగించడానికి ఆర్థిక సాయం అందజేయడం ఈ వీడియోలో చూడవచ్చు. ప్రస్తుతం ఈ వీడియో సోషల్‌ మీడియాలో వైరలవుతోంది. అభిమానులు, నెటిజన్లు లారెన్స్ చేస్తున్న పనిపై ప్రశంసలు కురిపిస్తున్నారు. ‘దైవం మనుష్య రూపేణా’ అనడానికి రాఘవ లారెన్స్ నిదర్శనమంటూ కామెంట్ల వర్షం కురిపిస్తున్నారు. ఇక సినిమాల విషయానికొస్తే.. త్వరలోనే చంద్రముఖి 2 మూవీతో మన ముందుకు వస్తున్నారు లారెన్స్. పి. వాసు తెరకెక్కించిన ఈ మూవీలో బాలీవుడ్‌ క్వీన్‌ కంగనా రనౌత్‌ హీరోయిన్‌గా నటిస్తోంది. వడివేలు, రాధికా శరత్‌కుమార్‌, లక్ష్మీ మేనన్‌, రావు రమేశ్‌, ఆర్‌ఎస్‌ శివాజీ, మనోబాల తదితరులు కీలక పాత్రలు పోషిస్తున్నారు. వినాయక చవితి కానుకగా సెప్టెంబర్ 15న ఈ మూవీ గ్రాండ్‌గా రిలీజ్‌ కానుంది.
రాఘవ లారెన్స్ ట్విట్టర్ లో షేర్ చేసిన వీడియో
Hi friends and fans,
I had told all of you that I will reach out to those who are in need personally to their houses and serve them. I have started the work from yesterday and I feel extremely happy that god has chosen me to do this service to my people.
Need your blessings… pic.twitter.com/oyNiJRl3pO
— Raghava Lawrence (@offl_Lawrence) September 3, 2023
మరిన్ని సినిమా వార్తల కోసం ఇక్కడ క్లిక్ చేయండి..
