-
బిగ్ బాస్ ఫేమ్‌ మహేశ్ విట్టా తెలుగు ప్రేక్షకులకు సుపరిచితమే. టాలీవుడ్‌ కమెడియన్‌గా అనతి కాలంలోనే మంచి గుర్తింపు తెచ్చుకున్న నటుడు మహేశ్ విట్టా. తాజాగా మహేశ్ విట్టా ఓ ఇంటివాడయ్యాడు. తన ప్రియురాలు శ్రావణి రెడ్డితో ఏడడుగులు వేశాడు.
-
కడప జిల్లా ప్రొద్దుటూరులో హెల్త్ క్లబ్ ఫంక్షన్ హాల్‌లో శనివారం (సెప్టెంబర్ 2) మహేష్ విట్టా వివాహ వేడుక ఘనంగా జరిగింది. మహేష్ విట్టా-శ్రావణిల పెళ్లి ఫొటోలను తన ఇన్‌స్టా ఖాతాలో పోస్టు చేశాడు. దీంతో వీరి వివాహానికి సంబంధించిన ఫొటోలు ప్రస్తుతం సోషల్ మీడియాలో హల్‌చల్‌ చేస్తున్నాయి.
-
కాగా బిగ్ బాస్ 3 రియాల్టీ షోలో పాల్గొన్న మహేష్ విట్టా మంచి పాపులారిటీ దక్కించుకున్నాడు. హౌస్‌లో ఉన్నప్పుడే మహేశ్ తన లవ్‌ స్టోరీ గురించి రివీల్‌ చేశాడు. ఐతే ప్రియురాలి వివరాలు మాత్రం వెల్లడించలేదు. సుమారు ఐదేళ్లుగా శ్రావణి రెడ్డిని ప్రేమిస్తున్నట్లు చెప్పుకొచ్చాడు. మరో ట్విస్ట్‌ ఏంటంటే శ్రావణి స్వయంగా తన చెల్లెలు ఫ్రెండేనట. రెండేళ్ల స్నేహం తర్వాత తన ప్రేమను శ్రావణి అంగీకరించిందని మహేశ్ తన ప్రేమ ముచ్చట్లు చెప్పాడు.
-
మహేశ్ రాయలసీమ యాసలో మాట్లాడుతూ యూట్యూబ్‌లో పలు వీడియోలతో పాపులర్‌ అయ్యాడు. ముఖ్యంగా ఫన్‌ బకెట్‌ వీడియోలతో ప్రేక్షకులకు దగ్గరయ్యాడు. ఇదే క్రేజ్‌లో బిగ్‌బాస్‌ సీజన్‌ 3లో కంటెస్టెంట్‌గా రెండు సార్లు చోటు దక్కించుకున్నాడు. ఇక బిగ్‌బాస్‌ హౌస్‌లోనే తన పెళ్లి ఆగస్టు లేదా సెప్టెంబర్‌లో ఉండొచ్చని అప్పట్లో చెప్పాడు.
-
అన్నట్టుగానే సెప్టెంబర్‌లో వీరి వివాహం జరిగింది. ఇక శ్రావణి రెడ్డి విషయానికొస్తే .. ప్రముఖ సాఫ్ట్‌వేర్‌ కంపెనీలో ఆమె ఉద్యోగం చేస్తోంది. ప్రస్తుతం మహేశ్ కూడా పలు టాలీవుడ్‌ సినిమాల్లో కమెడియన్‌గా రానిస్తున్న సంగతి తెలిసిందే.
