బిగ్ బాస్ సీజన్ సెవన్ లో అసలు సిసలైన ఆట మొదలైయింది. మొదటి వారం సప్పగా సాగిన బిగ్ బాస్ రెండో వారం ఊపందుకుంది. శనివారం రోజు నాగార్జున హౌస్ లో ఉన్నవాళ్లకు క్లాస్ తీసుకున్న సంగతి తెలిసిందే. చాలా మంది గేమ్ ఆడకుండా.. అటు ఇటు తిరుగుగుతున్నారు అని తెలిపాడు. హౌస్ లో ఉన్నవాళ్లలో శివాజీ, షకీలా బాగా ఆడుతున్నారని కితాబిచ్చాడు. దాంతో ఇప్పుడు అందరు యాక్టివ్ అయ్యారు. సోమవారం నుంచి నామినేషన్స్ ప్రక్రియ మొదలు పెట్టాడు బిగ్ బాస్. ఈ నామినేషన్స్ లో పల్లవి ప్రశాంత్ ను ఎక్కువ మంది నామినేట్ చేశారు. నామినేషన్స్ లో భాగంగా పల్లవి ప్రశాంత్ చూపించిన యాటిట్యూడ్.. హౌస్ లో ఉన్నవారికే కాదు ప్రేక్షకులకు కూడా చిరాకు తెప్పించింది. నామినేషన్ కు కారణం చెప్తూనే వారి పై రెచ్చిపోయి రంకెలేశాడు. దాంతో అమర్ దీప్ కాస్త గట్టిగానే క్లాస్ తీసుకున్నాడు. అయినా కూడా మనోడు తగ్గలేదు.
పల్లవి ప్రశాంత్ ను తేజ, గౌతమ్, దామిని, అమర్‌దీప్, ప్రియాంక, షకీలా నామినేట్ చేశారు. అయితే అతడి తీరు నచ్చక మరో ముగ్గురు..శోభాశెట్టి, రతిక, శుభశ్రీ కూడా ప్రశాంత్ ను నామినేట్ చేశారు. దాంతో రెచ్చిపోయిన ప్రశాంత్ బయట వాళ్ళు ఉన్నారు చూసుకుంటారు అని అన్నాడు.
ఇక నేను నిన్ను ప్రేమిస్తున్నా అని ఎక్కడన్నా చెప్పనా..? అని ప్రశాంత్ రతికను ప్రశ్నించడంతో ఆమె నీ అసలు రూపం బయటపడిందని తెలిపింది. ఆతర్వాత గౌతమ్ కృష్ణను ప్రశాంత్ నామినేట్ చేశాడు. అలాగే శోబాశెట్టి ని శివాజీ నామినేట్ చేశాడు. శోభాను నామినేట్ చేస్తూ.. ప్రియాంక చెప్పిన కారణాన్ని నువ్వు కూడా చెప్పావ్, నీ దగ్గర కొత్త కారణం లేదు. అయినా నన్ను నామినేట్ చేశావ్ అందుకే నేను నిన్ను నామినేట్ చేస్తున్నా అని అన్నాడు. దాంతో యాక్టివిటీ రూమ్ బయట వీరిద్దరికి వాదన జరిగింది. ఆ తర్వాత షకీలాని ప్రిన్స్ నామినేట్ చేశాడు. రతికాను గౌతమ్, తేజ నామినేట్ చేశారు. ఈక్రమంలో తేజ , రతిక మధ్య గొడవ జరిగింది. తనను బొండం అని పిలవడం నచ్చలేదు అని తేజ అనడంతో నువ్వు నా చెంప మీద కొట్టడం కూడా నాకు నచ్చలేదు అని తెలిపింది రతిక. అమర్‌దీప్‌ని ప్రిన్స్ నామినేట్ చేశాడు.ఇక మిగిలిన ప్రియాంక, శుభశ్రీలను ఎవ్వరూ నామినేట్ చేయలేదు. అయితే ప్రతిఒక్కరు ఇద్దరిని నామినేట్ చేయాల్సి ఉండగా శివాజీ మాత్రం ఒక్కరినే నామినేట్ చేశాడు. దాంతో బిగ్ ఎందుకు చేయలేదని అడిగాడు .. దానికి శివాజీ నేను చేయను అని చెప్పాడు. కానీ బిగ్ బాస్ గట్టిగా అడగడంతో అమర్ దీప్ ను నామినేట్ చేశాడు. మొత్తంగా నామినేషన్ ప్రక్రియ రచ్చరచ్చగా పూర్తయ్యింది. ఇక ఈ నామినేషన్స్ లో మొత్తం 9 మంది ఉన్నారు. శివాజీ, ప్రశాంత్, రతిక,తేజ,అమర్ దీప్,షకీలా,గౌతమ్,శోభా,ప్రిన్స్ నామినేషన్ లో ఉన్నారు.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
