తిరుపతిలో ఆదిపురుష్ హంగామా మొదలైంది. అభిమానులు భారీ సంఖ్యలో తిరుపతికి చేరుకుంటున్నారు. ప్రభాస్ ఫ్యాన్స్ అంటే మాములుగా ఉండదు మరీ.. తిరుపతిలో జరగనున్న ఆదిపురుష్ ప్రీ రిలీజ్ ఈవెంట్‌ కోసం ఎక్కడెక్కడినుంచో వస్తున్నారు అభిమానులు. ఇలాగే ప్రభాస్‌ను చూడాలని ఏకంగా 20వేలు ఖర్చుపెట్టి మరీ ఫ్లైట్‌లో బయలుదేరారు కొందరు ఫ్యాన్స్. ఈ క్రమంలోనే ఆదిపురుష్ ఎక్స్‌క్లూజివ్ కవరేజ్ కోసం వెళ్తున్న టీవీ9 ప్రతినిధులకు అభిమానులు కనిపించారు.
ఆదిపురుష్ ప్రీరిలీజ్‌ ఈవెంట్‌కు వెళ్లడం పట్ల సంతోషాన్ని వ్యక్తం చేస్తున్నారు ఫ్యాన్స్. తమ అభిమాన హీరో కోసం ఎంత దూరమైనా వెళ్తామని చెబుతున్నారు. ఇప్పటికే కొందరు తిరుపతికి చేరుకోగా మరికొందరు సమయానికి తిరుపతికి వెళ్లేందుకు విమానాల బాట పట్టారు. నిర్వాహకులు ఊహించినదాని కంటే ఎక్కువ మంది అభిమానులు ఈవెంట్‌కు వచ్చే అవకాశాలున్నట్లు తెలుస్తోంది. ఇదిలా ఉంటే ఆదిపురుష్ సినిమా ప్రీ రిలీజ్ బిజినెస్ కూడా భారీగా జరుగుతుందని తెలుస్తోంది. ఇప్పటికే ఆదిపురుష్ సినిమా నాన్ థియేట్రికల్ హక్కులు అత్యంత భారీ ధరకు అమ్ముడయ్యాయని టాక్ వినిపిస్తోంది. ఆదిపురుష్ నాన్ థియేట్రికల్ హక్కులు ఏకంగా 400 కోట్ల రూపాయలకు అమ్ముడయ్యాయని అంటున్నారు.
ఇక ఈసినిమాలో ప్రభాస్ కు జోడీగా, సీత పాత్రలో బాలీవుడ్ బ్యూటీ కృతిసనన్ నటిస్తున్నారు. అలాగే లంకేశ్ గా వర్సటైల్ యాక్టర్ సైఫ్ అలీ ఖాన్ నటిస్తున్నారు. మరో వైపు ఆదిపురుష్ ప్రీ రిలీజ్ ఈవెంట్‌కు ఏర్పాట్లు భారీగా జరుగుతున్నాయి. ఇండియాలో ఇప్పటి వరకు మరే సినిమాకు సాధ్యం కాని రీతిలో ఈ వేడుక జరపాలని చూస్తున్నారు మేకర్స్.
మరిన్ని సినిమా వార్తల కోసం క్లిక్ చేయండి..
